Qurban aıt merekesinde Almatynyń ortalyq meshitinde «Asyl mura» baǵdarlamasy aıasynda shahar turǵyndary men qonaqtaryna arnalǵan mádenı jáne sporttyq shara ótedi, dep habarlaıdy Almaty-akshamy.kz Inform.kz-ke silteme jasap.
«Sharaǵa qatysýshylardy arqan tartý, asyq atý, armrestlıng, gir tasyn jáne qoshqar kóterý sekildi synaqtar kútip tur», - dep habarlady Almaty qalalyq din isteri jónindegi basqarmadan.
Jeńimpazdar men júldegerler uıymdastyrýshylar usynǵan baǵaly syılyqtarmen marapattalady.
«Ulttyq mura» baǵdarlamasy aıasynda uıymdastyrylatyn sport sharasynyń negizgi maqsaty – meshit jamaǵaty arasynda dene shynyqtyrý men sportty, salaýatty ómir saltyn nasıhattaý. Sonymen qatar, Islamnyń dástúrli emes aǵymynyń jeteginde júrgen jandarǵa asyl dinniń oń jolyn kórsetý arqyly olardy baýyrǵa tartý», - dep atap ótti uıymdastyrýshylar.
Qurban Aıt - musylmandardyń eń mańyzdy merekeleriniń biri, ol Oraza aıaqtalǵannan keıin 70-kúni toılanady. Osy jyly Qurban aıt shildeniń 9-y kúni bastalyp, úsh kúnge jalǵasady.