Almaty qalasynyń ákimi Erbolat Dosaevtyń Medeý aýdanynyń turǵyndarymen kezdesýi barysynda Tóle bı, 24 b mekenjaıda ornalasqan "Lova Kitchen" kafesiniń janynan salynyp jatqan qosalqy nysannyń zańdylyǵyna qatysty suraq qoıylǵan edi, dep habarlaıdy almaty-akshamy.kz
Almaty qalasy ákiminiń tapsyrmasy boıynsha Almatynyń qala qurylysyn baqylaý basqarmasy jospardan tys tekserý júrgizdi, onyń barysynda jazǵy terasa zańsyz salynǵan qosalqy nysanda ornalasqandyǵy anyqtaldy. Sonymen qatar, terrassany salý kezinde memlekettik qordaǵy trotýardyń bir bóligi alynǵan.
Qala qurylysyn baqylaý basqarmasy menshik ıesin ÁQBtK-niń 316-baby 1, 321, 323-bóligi boıynsha ákimshilik jaýapkershilikke tartty. Sondaı-aq, "Qamqor-Ortalyq" JSHS-ne qatysty prosesýaldyq sheshim qabyldaý úshin materıaldy sotqa jibere otyryp, ÁQBtK-niń 319-baby boıynsha sharalar qabyldandy.
ÁQBİjMAS-tyń 27.12.2022 jylǵy qaýlysymen "Qamqor-Sentr" JSHS QR ÁQBtK-niń 319-baby boıynsha ákimshilik jaýapkershilikke tartyldy jáne zańsyz turǵyzylǵan qurylys májbúrli túrde súrilip, ákimshilik aıyppul óndirildi. Menshik ıesi bul sheshimge narazylyq bildirdi, alaıda Almaty qalalyq sotynyń qaýlysymen ÁQBİjMAS-tyń qaýlysy ózgerissiz qaldy.
Búgin sot oryndaýshylarynyń qatysýymen zańsyz turǵyzylǵan nysandy súrý bastaldy.