Almatynyń qala qurylysy basqarmasy Abaı dańǵyly 34 mekenjaıda aspaly qosymsha kúrdeli nysannyń zańsyz turǵyzylǵanyn habarlady.
Nátıjesinde Basqarma menshik ıesine (jeke tulǵaǵa) qatysty ákimshilik sharalar qabyldady jáne materıaldardy sotqa joldady.
2024 jylǵy 16 sáýirde Ákimshilik quqyq buzýshylyq jónindegi mamandandyrylǵan aýdanaralyq sottyń qaýlysymen menshik ıesi zańsyz turǵyzylǵan qurylysty májbúrli túrde buzdy jáne QR ÁQBtK 319-baby boıynsha kináli dep tanyldy.
Bólshekteýdi menshik ıesi bir kún buryn erikti túrde júrgizdi.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 48 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne basqalary tolyǵymen nemese ishinara buzylǵan edi.
