2025 jylǵy 11-20 jeltoqsan aralyǵynda Almaty qalasy mýzeıler birlestiginiń 7 qyzmetkeri Seýl jáne Kendjý qalalarynyń (Koreıa Respýblıkasy) jetekshi mýzeılerinde kásibı biliktiligin arttyryp keldi.
Qyzmetkerlerdiń kásibı biliktiligin arttyrý Seýl qalasy mýzeıler birlestigi tarapynan tegin negizde júzege asyryldy. Bul halyqaralyq yntymaqtastyqty nyǵaıtý baǵytyndaǵy júıeli jumystyń nátıjesi.
Oqý baǵdarlamasy mýzeı qyzmetiniń negizgi baǵyttary, atap aıtqanda, eksponattardy esepke alý jáne saqtalýyn qamtamasyz etý, onyń ishinde qolaıly klımattyq jaǵdaılardy (temperatýra, ylǵaldylyq, jaryq) baqylap, retteý, restavrasıa jáne konservasıa jumystaryn júrgizý, tasymaldaý kezinde qaýipsizdik talaptaryn saqtalýyn qadaǵalaý boıynsha teorıalyq jáne praktıkalyq sabaqtardy qamtydy.
Taǵylymdama aıasynda Almaty qalasy mýzeıler birlestiginiń qyzmetkerleri Seýl jáne Kendjý qalalarynyń jetekshi mýzeıleriniń jumys tájirıbesimen jan-jaqty tanysty. Atap aıtqanda, Koreıanyń Ulttyq mýzeıi, Koreıa Ulttyq fólklor mýzeıi, Seýl qalasy tarıhy mýzeıi, Seýl qolóner óner mýzeıi, Sedjon patsha mýzeıi, Admıral Lı Sýnsın mýzeıi, Koreıanyń Ulttyq saraı mýzeıi, Kendjý Ulttyq mýzeıi, Kendjý Ulttyq parki, Kenbokkýn saraıy, Chhongechhon mýzeıi, Hanándoson bekinis-qamaly mýzeıi. Sondaı-aq, IýNESKO-nyń Álemdik muralar tizimine engen ashyq aspan astyndaǵy Kendjý arheologıalyq kesheniniń qyzmetimen tanysyp, ozyq tájirıbelerin zerdeledi.
Aıta keteıik, 2022 jyly Almaty qalasy mýzeıler birlestigi men Seýl qalasy tarıhy mýzeıi arasynda yntymaqtastyq týraly memorandýmǵa qol qoıylǵan bolatyn. Osy kelisim aıasynda 2022 jyly Seýl qalasy tarıhy mýzeıinde Almaty mýzeıiniń «Uly Dala jaýharlary» kórmesi, al 2024 jyly Almaty qalasynda Seýl qalasy tarıhy mýzeıiniń «Seýl ǵajaıyptary» kórmesi uıymdastyryldy.