Búgin Almaty qalasynyń Óńirlik komýnıkasıalar qyzmeti uıymdastyrǵan brıfıń aıasynda Almaty qalasy boıynsha Básekelestikti qorǵaý jáne damytý agenttigi departamenti basshysynyń orynbasary Erkebaı Abdýbakıev monopolıaǵa qarsy organnyń aǵymdaǵy jumysy men mindetteri týraly baıandama jasady, aqshamnews.kz
Spıker óz sózinde Departamenttiń negizgi mindetteri adal básekelestikti damytýǵa járdemdesý, monopolıaǵa qarsy zańnamany buzýshylyqtardyń aldyn alý jáne jolyn kesý, sondaı-aq básekelestikti shekteıtin naryq sýbektilerin monopolıasyzdandyrý bolyp tabylatynyn atap ótti. Osy mindetterdi iske asyrý úshin vedomstvo taýar naryqtaryna taldaý júrgizedi, habarlamalar men nusqamalar beredi, sondaı-aq anyqtalǵan buzýshylyq faktileri boıynsha tergeýler júrgizedi.
«2024 jyly Departament Almaty qalasynyń túrli naryqtaryndaǵy básekelestiktiń jaı-kúıine 23 taldaýdy aıaqtady, onyń ishinde turaq, azyq-túlik rıteıli, telekomýnıkasıa, energetıka jáne basqa da qyzmet naryqtary bar. Taldaý barysynda 34 domınant jáne 2 monopolıs anyqtaldy. Jumys nátıjeleri boıynsha 2,2 mlrd teńge aıyppul salyndy, onyń 1,3 mlrd teńgesi óndirildi», - dep atap ótti spıker.
Tabysty tergeýlerdiń mysaldaryna «Petrosun» JSHS, «QTJ magıstraldyq jeliler» JSHS jáne «Almatygaz» abonenttik esep aıyrysý ortalyǵy» JSHS qatysty isterdi jatqyzýǵa bolady, onda ústem jaǵdaıdy teris paıdalaný faktileri anyqtaldy. Árbir is boıynsha uıǵarymdar shyǵaryldy jáne aıyppuldar salyndy, bul naryqtaǵy ádil básekelestikti qalpyna keltirýge yqpal etedi.
Spıker monopolıaǵa qarsy zańnamany buzý týraly málimetterdi taldaý nátıjeleri boıynsha «Qazaqstan Temir Joly» UK» AQ - magıstraldyq jeliniń Almaty bólimshesi» fılıalynyń atyna naryq sýbektileriniń qyzmetin retteý fýnksıalary memleketke berilgen uıymnyń básekelestikke qarsy is-qımyl belgileri boıynsha habarlama engizilgenin atap ótti.
«Zańnamada kirme joldy paıdalaný Ulttyq ınfraqurylym operatory bekitetin kirme jolda qyzmet kórsetý tártibi jáne qozǵalysty uıymdastyrý týraly nusqaýlyq negizinde júzege asyrylady dep kózdelgen. QTJ fılıaly 233 nusqaýlyqty bekitti, onyń 80-i básekelestikti shekteýge ákep soqtyrǵan manevrlik jumys qyzmetterin kórsetýge quqyǵy bar jalǵyz sýbektini anyqtady. Qazirgi ýaqytta QTJ fılıaly anyqtalǵan buzýshylyqtardy joıý boıynsha jumys júrgizýde», - dedi E.Abdýbakıev.
Sóz sońynda Abdýbakıev Almatyda básekelestikti qorǵaý boıynsha jumys jalǵasyp jatqanyn jáne Departament salaýatty básekelestik ortany qamtamasyz etý úshin kásipkerlermen jáne qala turǵyndarymen odan ári ózara is-qımylǵa daıyn ekenin atap ótti.