Almaty qalasy Medeý aýdanynyń ákimi Áset Masabaev Óńirlik komýnıkasıalar qyzmetiniń baspasóz konferensıasynda osy maqsatta jasalyp jatqan jumystar men basqa da áleýmettik nysandardyń ashylýy týraly aıtyp berdi, dep habarlaıdy Almaty-akshamy.kz
Spıker atap ótkendeı, aýdanda jalpy 33 079 oqýshyny qamtıtyn 28 memlekettik jáne 19 jekemenshik mektep jumys isteıdi. Bul rette tapshylyq 4500 oryndy quraıdy.
«Bul máseleni sheshý úshin 300 oryndy qosymsha qurylysy bar №48 mektep ǵımaratyna kúrdeli jóndeý júrgizilýde. Jumysty 2022 jyly aıaqtaýdy josparlap otyrmyz. Alataý shaǵyn aýdanyndaǵy №7 mekteptiń seısmıkalyq kúsheıtilýimen kúrdeli jóndeý aıaqtaldy», - dedi Áset Masabaev.
Sondaı-aq, jeke ınvestorlar esebinen jalpy 602 orynǵa arnalǵan Prime School, Global Education jáne EPG Prometheus School sıaqty 3 jekemenshik mektep salynyp, paıdalanýǵa berilgeni belgili boldy. Osy jobalardy iske asyrý aýdannyń ortalyq bóliginde oqýshy oryndarynyń tapshylyǵyn 30%-ǵa tómendetýge múmkindik berdi.
Sonymen qatar, "Alataý" shaǵynaýdanynda dene shynyqtyrý-saýyqtyrý kesheniniń qurylysy jalǵasýda. Josparda 5 jolǵa arnalǵan júzý baseıni, balalar baseıni, trenajer zaly jáne tenıs ústelderi qarastyrylǵan.
Mektepke deıingi bilim berý uıymdarynyń jelisi de keńeıýde. Búginde aýdanda 18 balabaqsha men 82 jekemenshik balabaqsha bar. Tárbıelenýshilerdiń jalpy sany - 6001. 2021 jyldyń basynan beri jeke ınvestorlar esebinen 306 oryndy 6 balabaqsha ashyldy. Bıyl №141 balabaqshada kúrdeli jóndeý aıaqtaldy. №114, 116 balabaqshalarda qaıta jańǵyrtý jumystary júrgizilýde. Bul jobalyq qýattylyqty árbir balabaqshada 50 orynǵa arttyrýǵa múmkindik beredi.
Sonymen qatar, Medeý aýdany ákiminiń aıtýynsha, "Keńsaı" shaǵynaýdanynda jalpy aýdany 166,8 sharshy metr bolatyn jańa dárigerlik ambýlatorıa ashý josparlanǵan. Bul jobany iske asyrý "Keńsaı" massıviniń ǵana emes, "Sulýsaı" shaǵynaýdanynyń turǵyndaryn da qamtýǵa múmkindik beredi. Ashýdyń josparly merzimi – 2022 jyl.
"Dýman" shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıa ashý boıynsha jumystar júrgizilýde. Qulja tas jolynyń boıynda eresekterge arnalǵan 250 tósektik onkologıalyq ortalyq jáne JITS ortalyǵynyń bólimshesi bar hospıs salý josparlanǵan.