«Qazgıdromet» RMK aýa raıy boljamynyń derekteri boıynsha Almaty qalasynyń aýmaǵynda 11-12 jeltoqsan aralyǵynda bıiktigi 7 sm-ge deıin qar jaýady dep kútilýde.
11 jeltoqsandaǵy aýa temperatýrasy 2 gradýs aıaz deńgeıinde, túnde 11 jeltoqsannan 12 jeltoqsanǵa deıin -10...-12, odan ári 12 jeltoqsandaǵy kúndizgi kezeńde -20 gradýsqa deıin tómendeıdi dep kútilýde.
Qalanyń komýnaldyq qyzmetteri kúsheıtilgen jumys rejımine aýystyryldy. Almaty qalasynyń komýnaldyq ınfraqurylymdy damytý basqarmasy 51 patrúldik brıgadanyń kezekshiligin uıymdastyrdy, 962 jol jumysshysy, 360 birlik arnaıy tehnıka, onyń ishinde 124 qum taratqysh, 31 qar tıegish, 32 qar shyǵarý úshin samosval jumyldyryldy. Qajet bolǵan jaǵdaıda arnaıy tehnıkanyń sany artady.
Aýa - raıynyń nasharlaýyna baılanysty-qar túrinde jaýyn-shashynnyń kóp túsýine baılanysty júrgizýshiler men jaıaý júrginshiler joldardaǵy jaǵdaıǵa qatysty abaı bolǵandary jón. Júrgizýshilerge qaýipsiz jyldamdyq rejımin saqtaý, avtomobılder arasyndaǵy qashyqtyq pen búıirlik aralyqty, qaýipsiz qashyqtyqty saqtaý, jolda manevr jasaý kezinde uqypty bolý qajet.
Aýa-raıy qolaısyz bolǵanda jáne qar jaýǵan kezde, qaýipti jaǵdaıda jol-kólik oqıǵasynyń aldyn alý úshin jyldamdyqty mınımýmǵa deıin tómendetken jón. Jaıaý júrginshiler jol boıynda paıda bolǵan kezde óte muqıat bolý kerek jáne qolaısyz aýa-raıy jaǵdaıynda jaıaý júrginshilerdiń kózqarasy shekteýli bolýy múmkin ekenin este ustaǵan jón. Sondaı-aq, júrgizýshilerden qar tazalaý tehnıkasynyń jumysyna kedergi keltirmeý úshin kólikterdi tek osy úshin bólingen oryndarǵa qoıýdy suraımyz.
Eske salsaq, joldardaǵy, trotýarlar men qoǵamdyq paıdalaný oryndarynda qar sapasyz tazalanǵan jaǵdaıda Whats App +7 (706) 689 8898 nómiri arqyly jazýǵa bolady.