Almatynyń komýnaldyq qyzmeti táýlik boıy qar shyǵarady, dep habarlaıdy almaty-akshamy.kz Almaty qalasynyń Komýnaldyq ınfraqurylymdy damytý basqarmasyna silteme jasap.
Almaty qalasynda 30 qańtar saǵat 20:00-den bastap azdaǵan qar jaýa bastady. Saǵat 08:00-degi jaǵdaı boıynsha qalada 3 sm, taýly jerde 5 sm qar tústi.
Joldyń taýly jáne qaýipti aýmaǵy suıyq reagenttermen profılaktıkalyq óńdeldi, buǵan 110 tonna reagent paıdalanyldy.
Kóktaıǵaqtyń aldyn alý úshin 168 qum taratqysh arqyly kóktaıǵaqqa qarsy materıaldar sebiledi. Saǵat 08:00-degi jaǵdaı boıynsha 1290 tonna KQM paıdalanyldy.
Taýly, taý bókterindegi aýdandarda qar sypyrylyp, shyǵaryldy. Saǵat 20:00-den bastap 4850 m3 qar shyǵaryldy, bul 485 ózi túsirgish júk kóligine teń (qazirgi qysqy kezeńde barlyǵy 188 000 m3 qar nemese 18 800 ózi túsirgish júk kóligindeı qar shyǵaryldy).
Túngi ýaqytta 416 birlik arnaıy tehnıka men 268 jumysshy jumyldyryldy. Saǵat 08:00-den bastap 436 birlik tehnıka men 1125 jumysshy qar kúreýge shyqqan.
154 birlik shaǵyn kólemdi tehnıkanyń kúshimen trotýarlar men jalpy paıdalanylatyn oryndar mehanıkalandyrylǵan túrde tazalanyp, qoǵamdyq kólik aıaldamalary men jer ústi ótkelderinde qar qolmen kúreldi. Aýdan ákimdikterinde jumysty baqylaý boıynsha táýlik boıy kezekshilik uıymdastyryldy.