Almaty qalasynyń komýnaldyq qyzmetteri qar jaýady dep boljanýyna baılanysty daıyndyqty bastady
«Qazgıdromet» RMK boljamyna sáıkes, Almaty qalasynda búgin aýa temperatýrasy -6… -8°C-ǵa deıin tómendeıdi, shamamen saǵat 04.00-den túske deıin qalyńdyǵy 4 sm-ge deıin azdaǵan qar jaýady. Joldar men trotýarlarǵa muz qatyp, kóktaıǵaq bolýy múmkin.
20 qańtarda kúndiz kóshpeli bult shyǵyp, soltústik-shyǵystan jyldamdyǵy 2-7 m/s jel soǵady, aýa temperatýrasy -3...-5°C bolady.
Almaty qalasynyń komýnaldyq qyzmeti kúsheıtilgen jumys rejımine aýystyryldy. Aýdan ákimdikterinde jumysty baqylaý úshin táýlik boıy kezekshilik uıymdastyryldy.
20 qańtarda kúndiz 412 arnaıy tehnıka men 1120 jumysshy jumyldyrylady. Túnde 436 arnaıy tehnıka jáne 219 jumysshy tartý josparlandy.
Qardy shyǵarýǵa 123 birlik, onyń ishinde 27 qar tıeýshi, 75 ózi túsirgish júk kóligi, 11 traktor, 10 avtogreıder jáne 156 jumysshy jumyldyrylady. Dıslokasıa oryndarynda qar jaýǵanǵa deıin 146 qum taratqysh kezekshilikke shyǵady.
Qazir trotýarlardy, jol shetindegi jıektastardan qardy tazalaý jumystary jalǵasyp jatyr. 2024 jylǵy 19 qańtar saǵat 18:00 jaǵdaı boıynsha 19 750 m3 qar shyǵaryldy, bul ózi túsirgish júk kóliginiń 1 975 reısi degen sóz.
Esterińizge sala keteıik, jolda, trotýarlarda jáne qoǵamdyq oryndarda qardyń durys tazalanbaǵanyn kórseńizder , +7 (706) 689 8898 Whats App nómirine júginseńiz bolady.