Medeý aýdanynda ornalasqan "Kamenskoe plato", "Aqtóbe aýyly", "Qaıyń toǵaıy", "Taýjoly" shaǵynaýdandary men OS ardagerleri gospıtali mańynda turatyn turǵyndarǵa kórsetiletin qyzmet sapasyn arttyrý úshin 2022 jylǵy 20 jeltoqsannan bastap kelesi marshrýttarda jańa avtobýstar shyǵarylatyn bolady: №5 marshrýt «Qaldaıaqov kósh. – Jibek joly kósh. – Aqtóbe aýyly», №5a «Qaldaıaqov kósh.–Jibek joly kósh. – OS ardagerleri gospıtali», №5b «Jibek joly kósh. –OS ardagerleri gospıtali», №5v «Qaıyń toǵaıy –Dostyq dańǵ.- Ospanov kósh.», №26 «№7 qalalyq aýrýhana – Ekologıalyq post». Sońǵy aılarda atalǵan marshrýttarda josparly jyljymaly birliktiń jolǵa shyǵýy 50%-ǵa deıin tómendegendikten, marshrýttardy Issýzý N-40 markaly jańa 19 avtobýspen qyzmet kórsetetin «Saparshy» JSHS tasymaldaýshy kompanıasyna berý týraly sheshim qabyldandy.
№5 marshrýtqa 4 jyljymaly birlik, №5a men №5v marshrýttaryna 2, №5b marshrýtyna 3 jáne №26 marshrýtqa 5 avtobýs shyǵarý qarastyrylǵan.
Qalalyq mobıldilik basqarmasy qyzmet kórsetý sapasyn arttyrý men júris jıiligin arttyrý baǵytynda birqatar shara qabyldap jatqandyǵyn atap ótken jón. Marshrýttarda týyndaǵan máseleler kezeń-kezeńmen sheshimin tabatyn bolady.