Bıyl 23 qarashada Jetisý aýdanynyń Rysqulov — Jansúgirov — Glazýnov — Seıfýllın kósheleriniń aýmaǵyndaǵy, sonymen qatar, Qulager, Dorojnık jáne Aınabulaq-1, 2, 3, 4 shaǵyn aýdanyndaǵy birneshe turǵyn jáne ózge de ǵımarattarǵa jylý berý ýaqytsha shekteledi, dep habarlaıdy almaty-akshamy.kz «Almaty jylý jelileri» JSHS silteme jasap.
Sorǵy stansıasynda ilmekti armatýrasyn aýystyrý boıynsha jóndeý jumystaryn júrgizý kezinde qaýipsizdikti qamtamasyz etý úshin jylýmen jáne ystyq sýmen jabdyqtaýdy ýaqytsha shekteý engiziledi.
Atalǵan qalalyq sektorda jylý men ystyq sý berýdi tún ortasyna deıin qalpyna keltirý josparlanǵan.
Atalǵan aýdanda turatyn almatylyqtar men qala qonaqtarynan ýaqytsha qolaısyzdyqtarǵa túsinistikpen qaraýdy suraımyz.
Esterińizge sala keteıik, qandaı da bir shtattan tys jaǵdaı týyndaǵan kezde (sý, bý, t.b. shyǵaryndylar) óz betinshe áreket jasamaı, tómende kórsetilgen nómirge qońyraý shalý arqyly habarlaýǵa keńes beremiz:
+7 (727) 378-06-65 (táýlik boıy),
+7 (727) 341-07-77 (08:00-den 18:00-ge deıin) nemese 109.