Almaty qalasy PD-de jas polıseılerge ofıserlik shenderin vedomstvo bastyǵy Arystanǵanı Zapparov saltanatty túrde tabystady.
Jas qyzmetkerlerdiń patrıottyq rýhyn arttyrý maqsatynda bul is-shara arnaıy PD murajaıynyń qabyrǵasynda ótkizildi. Qaladaǵy tártipti táýlik boıy qamtamasyz etetin ofıserler qataryn jas ul-qyzdar tolyqtyrdy. Atap aıtqanda, otyzdan astam tártip saqshysy leıtenant shenderin aldy, dep habarlaıdy Almaty-akshamy.kz Polisia.kz-ke silteme jasap.
– Bizdiń qatarymyzdy quqyq qorǵaý organdarynyń jańa býyny tolyqtyrdy. Jas qyzmetkerler aǵa áriptesteriniń dástúrin laıyqty túrde jalǵastyryp, kásibı synaqtardan abyroımen ótedi dep sengim keledi. Azamattardyń qaýipsizdigin qamtamasyz etý, alǵy shepte qylmyspen janqıarlyqpen kúresý mindeti sizderge júkteledi. Árqaısyńyz júregińizdiń únimen, janyńyzdyń qalaýymen qazaq polısıasynyń qataryn tolyqtyrdyńyzdar. Anttaryńyzǵa, halqyńyzǵa adal bolyńyzdar! Sizderdi ómirlerińizdegi aıtýly oqıǵamen shyn júrekten quttyqtaımyn, qurmetti áriptester!, – dedi Arystanǵanı Zapparov.
Jas polıseıler kúrdeli irikteýden ótti. Kópshildik, ádeptilik, tózimdilik, zańdy jaqsy bilý, dene shynyqtyrý daıyndyǵy – osy qasıetterdiń barlyǵy jas ofıserlerdiń boıynda bar.