Qystaı jaýmaǵan qar qolaısyzdyq týdyrýda
Almatyda búginnen bastap jaýǵan qar 10 aqpanǵa deıin jaýady. Túnde aýa temperatýrasy -4...-6 gradýs bolady. Tuman, joldarda kóktaıǵaq bolady, dep habarlaıdy Almaty-akshamy.kz Turǵyn úı saıasaty basqarmasyna silteme jasap.
Kóktaıǵaqtyń aldyn alý maqsatynda kúndizgi kezeńde 624 birlik arnaıy tehnıka, onyń ishinde 204 qumshashqysh jáne 1538 jol jumysshysy jumyldyryldy. Túngi ýaqytta kezekshilik uıymdastyryldy, oǵan 519 birlik arnaıy tehnıka, onyń ishinde 205 qum shashqyshtar jáne 339 jol jumysshylary jumyldyrylady.
Joldyń júrý bóliginde, trotýarlarda muz qatýy boljamyna oraı kóktaıǵaq paıda bolýy múmkin. Sondyqtan Turǵyn úı saıasaty basqarmasy avtoáýesqoılar men jaıaý júrginshilerden saqtyq sharalaryn saqtaýdy ótinedi.
«Júrgizýshilerge jyldamdyqty tómendetýge, kólikter arasynda qashyqtyqty arttyrmaýǵa jáne kenetten manevr jasamaýǵa keńes berildi. Jaıaý júrginshiler trotýarlarda júrgen kezde kóktaıǵaqqa qatysty qaýipsizdik sharalaryn saqtaǵany jón», - delingen basqarma habarlamasynda.