Almatydaǵy kovıdtik stasıonarlarda 283 adam, onyń ishinde 10 bala bar. Qala turǵyndary arasynda ınfeksıanyń rastalǵan jaǵdaılarynyń sany azaıdy, dep habarlady megapolıstiń qoǵamdyq densaýlyq basqarmasynyń basshysy Narıman Tabynbaev.
Almaty Óńirlik komýnıkasıalar qyzmetiniń baspasóz konferensıasynda spıker ınfeksıalyq gospıtáldardaǵy tósekterdiń jartysynan kóbi bos ekenin atap ótti. 20 medısınalyq mekemede barlyǵy 845 tósek-oryn bar.
Intensıvti terapıa reanımasıa bólimshelerinde 32 pasıent bar, ÓJJ apparattaryna 11, ınvazıvti emes ÓJJ-ge 6 adam qosylǵan, 6 High flow apparaty jumys isteıdi.
MSAK mobıldi brıgadalary men telemedısına ortalyǵynyń baqylaýynda 647 pasıent bar, olardyń basym bóliginde KVI belgileri bar.
Narıman Tabynbaevtyń aıtýynsha, qalanyń barlyq medısınalyq nysandary Naýryz merekesine daıyn. Qonaqtar men qala turǵyndary úshin epıdemıologıalyq qaýipsizdik tolyq kólemde qamtamasyz etiledi.
Sonymen qatar, N. Tabynbaev pandemıany aıaqtaý úshin betperde kıip, vaksınalaýdan ótý qajettigin atap ótti. Ol almatylyqtar aýrýdyń taralýyna jol bermeý úshin ımýndyq jaǵdaıdy saqtap, ony qoldaýy kerek dep sanaıdy.
«Vaksınalanǵan adamdar áli kúnge deıin aýrýhanalardaǵy KVI pasıentteriniń az bóligin quraıdy. Qazir eń bastysy – vırýstyń taralýyn toqtatý, vaksınalar men saqtyq sharalaryn qoldaný. Sonymen qatar, eki ekpe jasaǵandarǵa býsterlik doza qajet», - dep atap ótti qoǵamdyq densaýlyq saqtaý basqarmasynyń basshysy.
3 naýryzdaǵy jaǵdaı boıynsha, Almatyda birinshi komponentpen 1 145 655 adam, ekinshi komponentpen 1 103 529 adam egildi. Egilgen adamdardyń jalpy sanynyń ishinde 60 jastan asqandar - 124 997 adam. 261 021 almatylyq revaksınalaýdan ótti.
Qalada áli de medısınalyq uıymdarda 137 vaksınalaý pýnkti jumys isteıdi.