«Almaty «ÁKK» AQ dırektorlar keńesiniń sheshimimen «Almaty - Indýstrıaldy aımaq» JSHS dırektory bolyp Álisher Juratuly Satybaldıev taǵaıyndaldy, dep habarlaıdy Almaty-akshamy.kz Almaty.tv-ge silteme jasap.
Álisher Satybaldıev 1990 jyly 19 aqpanda Almaty qalasynda týǵan.
QR Prezıdenti janyndaǵy Memlekettik basqarý akademıasyn, Maxwell School of Citizenship and Public Affairs (Executive certificate ofadvanced study), «UIB» Halyqaralyq bıznes ýnıversıtetin, «Turan» ýnıversıtetin jáne Zańtaný akademıasyn, «Ádilet» joǵary quqyq mektebin bitirgen.
Eńbek jolyn 2011 jyly «Almaty qalasy Tabıǵı resýrstar jáne tabıǵat paıdalanýdy retteý basqarmasy» KMM mamany bolyp bastaǵan.
2017-2019 jyldary Shyǵys Qazaqstan oblysy Tabıǵı resýrstar jáne tabıǵat paıdalanýdy retteý basqarmasy basshysynyń orynbasary qyzmetin atqarǵan.
2019-2021 jyldary Almaty qalasy Jetisý aýdany ákiminiń orynbasary bolyp jumys istegen.
2021-2022 jyldary «Almaty «ÁKK» AQ apparat basshysy qyzmet atqarǵan.
Qazaq, orys jáne aǵylshyn tilderin erkin meńgergen. Memlekettik qyzmettegi jalpy jumys ótili 9 jyldan asady.