Almaty qalasy Qoǵamdyq densaýlyq saqtaý basqarmasy basshysynyń mindetin atqarýshy bolyp Ásıa Aqanova taǵaıyndaldy, dep habarlaıdy aqshamnews.kz
Almaty ákimi Erbolat Dosaevtyń ókimimen qalanyń qoǵamdyq densaýlyq saqtaý Basqarmasy basshysynyń mindetin atqarýshy bolyp Ásıa Aıqanqyzy Aqanova taǵaıyndaldy.
Ásıa Aqanova dárigerler otbasynda týyp-ósken. «Bolashaq» baǵdarlamasynyń túlegi bola otyryp, University College London (2013 jáne Asfendıarov atyndaǵy Qazaq Ulttyq Medısına ýnıversıtetin (2015), «Jalpy Medısına» mamandyǵy boıynsha doktorantýrany (2016) bitirgen. Sondaı-aq, Qazaqstan Respýblıkasy Prezıdentiniń janyndaǵy Memlekettik basqarý akademıasynda jergilikti jáne memlekettik basqarý mamandyǵy boıynsha oqýyn aıaqtady (2024). İskerlik ákimshilendirý magıstri dárejesine ıe.
Ásıa Aqanova eńbek jolyn 2011 jyly QazUMÝ otbasylyq medısına kafedrasynyń zerthanashysy jáne ádiskeri, dosenti, keıin kafedra meńgerýshisi bolyp bastaǵan. 2018-2020 jyldar aralyǵynda Almatyda Belsendi uzaq ómir súrý ortalyǵynyń ashýmen jáne oǵan basshylyq jasaýmen aınalysty. 2022 jyldan bastap qazirgi ýaqytqa deıin ol VIII saılanǵan Almaty qalasy máslıhatynyń depýtaty bolyp tabylady. Sonymen qatar, búgingi kúnge deıin ál-Farabı atyndaǵy QazUÝ otbasylyq medısına kafedrasynyń dosenti retinde ǵylymı-pedagogıkalyq qyzmetin jalǵastyrýda.