Almatyda ónerkásip ónimin óndirý kólemi jyl basynan beri 21,7%-ǵa ósti, dep habarlaıdy almaty-akshamy.kz
2023 jyldyń qańtar – tamyz aılarynyń qorytyndysy boıynsha Almaty qalasynda áleýmettik-ekonomıkalyq damý kórsetkishteriniń ósý qarqyny joǵary.
Ekonomıkanyń negizgi alty salasynyń (ónerkásip, saýda, kólik jáne qoımalaý, aqparat jáne baılanys qyzmetteri, qurylys, aýyl sharýashylyǵy) serpinin sıpattaıtyn qysqa merzimdi ekonomıkalyq ındıkator 115,2% -dy qurady.
Ónerkásip ónimin óndirý kólemi 21,7% ósimmen 1 303,8 mlrd. teńgege deıin ulǵaıdy, bul eldegi eń joǵary ósý qarqynyn kórsetti (+3,8%). Bul rette óńdeý ónerkásibi 20,2% - ǵa 1 117,6 mlrd. teńgege deıin ósti.
Qurylys 3,8% - ǵa ósti, oryndalǵan qurylys jumystarynyń kólemi 322,3 mlrd.teńgeni qurady. 2023 jylǵy qańtar-tamyzda ótken jyldyń osy kezeńimen salystyrǵanda 22,5% ósimmen 1 486,4 myń sharshy metr turǵyn úı paıdalanýǵa berildi.
Bólshek taýar aınalymynyń kólemi ótken jyldyń sáıkes kezeńimen salystyrǵanda 6,2% - ǵa ulǵaıyp, 3 525,8 mlrd. teńgeni qurady. Kóterme saýda aınalymy 20,3%-dyq ósimmen 9 455,6 mlrd. teńgeni qurady.
Kólik jáne qoıma qyzmetteri 16,5% – ǵa, aqparat pen baılanys 3,3% - ǵa ósti.
2023 jylǵy qańtar – tamyzda qala ekonomıkasyna negizgi kapıtalǵa 876,9 mlrd. teńge ınvestısıa tartyldy. Bul rette jeke ınvestısıalar 2022 jylǵy osy kezeńmen salystyrǵanda 4,8% - ǵa ósti.
Aǵymdaǵy jyldyń tamyz aıynda iskerlik belsendilik ındeksi 55,2% - dy qurady jáne respýblıka boıynsha kóshbasshy oryn alady.
Syrtqy saýda aınalymy (EAEO elderinsiz) 2023 jylǵy qańtar-shildede 34,6% ósimmen $1 14 369,4 mln qurady. Bul rette eksport 23,8% - ǵa ulǵaıyp, $2 605,2 mln qurady.