Almatynyń Bostandyq aýdanynda Markov kóshesiniń bir bóliginde 4 tamyzǵa deıin qozǵalys shekteledi, - dep habarlaıdy aqshamnews.kz tilshisi.
Aldaǵy jylytý maýsymyna daıyndyq jumystaryn júrgizý kezinde Almatynyń Bostandyq aýdanynda jylý jelilerin josparly jańǵyrtý júrgizilýde. Osy jumystar aıasynda 1983 jyly paıdalanýǵa berilgen uzyndyǵy 1,5 shaqyrym bolatyn jylý trassasy aýystyrylyp jatyr.
Osyǵan baılanysty, 2025 jyly 1 tamyz saǵat 11:00 bastap 4 tamyz saǵat 07:00 deıin Markov kóshesi men Buqar Jyraý býlvarynyń qıylysynda kólik qozǵalysy ýaqytsha jabylady.
Kórsetilgen kósheniń astymen ótetin magıstraldyq qubyrdy jańartýǵa qatysty josparly jumystyń qaýipsizdigin qamtamasyz etý úshin shekteý engiziledi. Jańartý jumystaryn júrgizý kezinde tutynýshylarǵa ystyq sý berý toqtatylmaıdy.
Bul jylý jelisi 128 kóppáterli úıdiń turǵynyn, 25 jeke turǵyn úı, 2 balabaqsha, 1 mektep, 1 densaýlyq saqtaý jáne basqa da 65 nysan úshin jylý qýatyn berip, ystyq sýmen jabdyqtaýdy qamtamasyz etedi.
Jalpy, bıyl qala boıynsha 39 shaqyrym jylý jelilerin jańǵyrtý josparlanǵan. Bul tozý deńgeıin 54% deıin azaıtýǵa múmkindik beredi.
Esterińizge sala keteıik, kólik qozǵalysyn shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelilerinde, sondaı-aq, «2GIS» jáne «Iandeks kartalar» servısterinde jarıalanǵan.