Memleket basshysy "Qazaqstan temír joly" ŪK" AQ basqarma tóraǵasy Talǵat Aldybergenovtí qabyldady, - dep habarlaıdy Aqshamnews.kz tílshísí.
Prezıdentke ūlttyq kompanıya qyzmetíníń nátıjelerí turaly málímet beríldí. Talǵat Aldybergenov bıylǵy bírínshí jartyjyldyqtyń qorytyndysy boıynsha ekspluatatsıyalyq júk aınalymy 8,6 paıyzǵa ūlǵaıǵanyn aıtty.
- Tranzıt tasymalynyń kólemí 14,6 mıllıon tonnaǵa jetken.
Transūlttyq temírjol dálízín qalyptastyru úshín 1700 shaqyrymnan asa jańa jelí salynyp, 3 myń shaqyrym jol jańǵyrtylyp jatqany bayandaldy:
- bıyl Dostyq-Moıynty uchaskesíndegí joldyń ekínshí bólígí jáne Almaty beketín aınalyp ótetín temír jol jelísíníń qūrylysy ayaqtalady;
- Darbaza – Maqtaaral jobasyn íske asyru jalǵasyp jatyr;
- Baqty – Ayagóz jáne Qyzyljar – Moıynty jelíleríníń qūrylysy bastaldy.
Termınal jelílerín keńeıtu jūmystary júrgízílíp jatqany jónínde málímet berdí. Tsıfrlandyru máselesíne de aıryqsha nazar audarylatynyn jetkízdí:
- Álemdík deńgeıdegí ınnovatsıyanyń kóshbasshylarymen bírlesíp, temírjol kólígíníń sapasyn jaqsartu jáne qauípsízdígín qamtamasyz etu jūmystary qolǵa alynǵan;
- Transkaspıı halyqaralyq kólík dálízíndegí tranzıttík deklaratsıyany resímdeu uaqyty 8 saǵattan 30 mınutqa deıín qysqardy.
Memleket basshysy Qazaqstannyń tranzıt áleuetín jáne ekonomıkasyn damytuda kompanıya úlken ról atqaratynyn atap ótíp, kólík ınfraqūrylymyn odan árí jańǵyrtudyń mańyzyna toqtaldy.