Qala ákiminiń orynbasary E. Babaqumarov shuǵyl keńeste mektepter men balabaqshalarda janjaldardyń aldyn alý boıynsha túbegeıli sharalar qabyldaýdy tapsyrdy.
Aýdan ákimi orynbasarlarynyń, qalalyq basqarma jáne aýdandyq bilim bólimderi, balabaqshalar, mektepter basshylarynyń qatysýymen ótken keńeste bilim berý salasynyń ózekti máseleleri talqylandy, dep habarlaıdy Almaty-akshamy.kz
E. Babaqumarov bilim basqarmasynyń basshysyna bilim berý uıymdarynda zorlyq-zombylyqtyń aldyn alý, anyqtaý jáne den qoıý boıynsha uıymdastyrýshylyq-basqarý sharalaryn ázirleýdi, qabyldaýdy jáne aqparattyq-aǵartýshylyq jumys júrgizýdi tapsyrdy.
Sharalar paketin mektepter men balabaqshalardyń basshylyǵy men pedagogıkalyq ujymdary ata-analarmen, balalarmen, joǵary turǵan organdarmen jáne balalardyń quqyqtaryn qorǵaý jónindegi áriptestik uıymdarmen, sondaı-aq ÚEU-men tyǵyz yntymaqtastyqta iske asyrý qajet.
Almaty ákiminiń orynbasary E. Babaqumarovtyń tapsyrmasy boıynsha qalanyń barlyq bilim berý mekemeleriniń basshylary úı-jaılar men uıym aýmaǵynyń qaýipsizdigin qamtamasyz etýi tıis. Sonymen qatar, bilim berý uıymynyń áleýmettik-psıhologıalyq ahýalyna taldaý jasaý jáne zorlyq-zombylyq qatynastarynda basshylyqtyń, oqytýshylar quramynyń, stýdentter men ata-analardyń jalpy saıasatyn ázirleý qajet.
Sonymen qatar, normatıvtik qujattardy, minez-qulyq erejelerin, laýazymdyq nusqaýlyqtardy, is-qımyl algorıtmderin ázirleý jáne qabyldaý, zorlyq-zombylyq jaǵdaılaryn boldyrmaýǵa, anyqtaýǵa jáne den qoıýǵa jaýaptylardy taǵaıyndaý tapsyryldy.
Bilim berý uıymyn psıhologıalyq qoldaý qyzmetin reformalaýǵa jáne zorlyq-zombylyqtan zardap shekkenderge, quqyq buzýshylar men kýálarǵa kómek kórsetý úshin áriptestik uıymdardy jáne olarmen ózara is-qımyl tetikterin aıqyndaýǵa erekshe nazar aýdarý qajet.
Bilim berý basqarmasyna bilim berý mekemeleriniń jaılylyq, ınklúzıvtilik jáne qaýipsizdik deńgeıine turaqty monıtorıń júrgizý tapsyryldy.
Sondaı-aq, balalardyń qaýipsizdigin qamtamasyz etý jáne quqyqtaryn qorǵaý máselelerinde aýdan ákimderi orynbasarlarynyń, bilim basqarmasy qyzmetkerleriniń, aýdandyq bilim bólimderi basshylarynyń jáne bilim berý uıymdary basshylarynyń jaýapkershiligin kúsheıtý tapsyryldy.
E. Babaqumarov atalǵan sharalar zorlyq-zombylyq jáne onyń saldary týraly habardar bolýdy arttyrýǵa baǵyttalǵanyn atap ótti. Bul rette destrýktıvti kórinisterge qarsylyqtyń tıimdiligin arttyrýǵa, onyń ishinde jeke jáne áleýmettik daǵdylar men pedagogıkalyq quzyretterdi damytý arqasynda oqytý boıynsha jumys júrgizý qajet.