Almaty qalasy Áýezov aýdanynyń ákimi Saıran Saıfedenov Óńirlik komýnıkasıalar qyzmetiniń baspasóz konferensıasy barysynda megapolıs turǵyndaryn koronavırýsqa qarsy vaksınalanýǵa shaqyrdy.

 Onyń ústine qazirgi ýaqytta bul úshin barlyq jaǵdaı jasalǵan. Mysaly, saýda ortalyǵyna barýdy vaksına alýmen biriktirýge bolady, dep habarlaıdy Almaty-akshamy.kz

 Saıran Saıfedenov vaksınalaný arqyly ınfeksıadan qorǵaný qajettigin aıtty, sonymen qatar maska rejımin saqtaýdyń, qoldy dezınfeksıalaýdyń jáne baılanystardy shekteýdiń mańyzdylyǵyn eske saldy. Atap aıtqanda, aýdan ákimi egde jastaǵy adamdarǵa COVID-19 vaksınasyn alý jóninde oılanýǵa keńes beredi.

 Atap ótsek, Áýezov aýdanynda vaksınalaýǵa jaýapty 9 medısınalyq uıym bar, 25 egý pýnkti emhanalarda, saýda ortalyqtarynda, mektepterde, jeke medısınalyq klınıkalarda ashyldy.

 Kún saıyn saǵat 8.00-den 20.00-ge deıin Moskva Metropolitan, Grand Park, Asia Park, Almaty Mall, Sputnik Mall, «Armada», «Spýtnık» SOSO, «Tıgrohaýd», Car City saýda ortalyqtarynda, sonymen qatar №6, 10, 16, 18 emhanalarynda jáne «Hak», «Rahat», MedLine, «Medservısqırýrgıa» jeke medısınalyq ortalyqtarynda, «Emhana 55», «Emhana Suńqar II», «Med Lab ekspress» jáne t.b. jeke klınıkalarynda ekpe saldyrýǵa bolady.

 «Búginde búkil álem tek vaksınalanýdyń bárimizge qalypty ómirge karantınsiz oralýǵa, ekonomıkany turaqtandyrýǵa, balalardy balabaqshalar men mektepterge, stýdentterdi dáris zaldaryna qaıtarýǵa, jalpy otbasymen, dostarymen, áriptesterimen, dostarymen qaýipsiz qarym-qatynasqa oralýǵa múmkindik beretinin túsindi», - deıdi Áýezov aýdanynyń ákimi.

 Búginde aýdanda 96 700 adam vaksınalandy, al juqtyrǵandar sany ósýde. Zamanaýı shyndyqqa keletin bolsaq, vaksına saldyrý - koronavırýstyq ınfeksıanyń taralýyn toqtatatyn jáne ony tómendetetin jalǵyz shara. Ózińizdi ǵana emes, jaqyndaryńyzdy dertten jáne eń qorqynyshtysy – qaıǵyly jaǵdaıdan qorǵaý úshin vaksınalaný qajet.