2025 jyly Mamyr-4 shaǵyn aýdanynda 12,3 km sý jáne káriz júıeleriniń qurylysyn aıaqtaý josparlanǵan. Bul týraly Almaty ákimi Erbolat Dosaev Áýezov aýdanynda turǵyndarmen ótken kezdesýde málimdedi. Qala basshysynyń aıtýynsha, bul joba aýdannyń 800-den astam turǵynyn sapaly ınjenerlik jelilermen qamtamasyz etedi.
2025 jyldyń sáýir aıynda Dostyq shaǵyn aýdanynda 22 kóshede 15,7 km káriz júıelerin salý jumystary qaıta jalǵasady. «Byltyr Rabat, Vınogradov jáne Dastan kóshelerindegi turǵyndardy qamtý úshin jobany túzettik. Bul kóshelerdiń asfált tósemi tolyq qalpyna keltiriledi. Jumys 2025 jyldyń qazan aıynda aıaqtalady», – dedi Erbolat Dosaev.
Bıyl qazan aıynda Saın-Jandosov-Qarǵaly ózeni-SHalápın kósheleriniń aýmaǵynda 3 myńnan astam turǵynǵa sapaly sý jáne káriz júıelerin qamtamasyz etý úshin 49 km ınjenerlik jelilerdi salý jumystaryn aıaqtaý josparlanyp otyr.
2024 jyly 12 kóshe boıynsha, sonyń ishinde burynǵy «Vosqod», «Sadovod» jáne «Veteran» baý-baqsha seriktestikterinde 12,3 km sý jáne káriz júıeleri salyndy.
Sonymen qatar, 2024 jyly Saın, Toqtabaev, Cherepanov kóshelerinde jáne Mamyr-3 jáne 5 shaǵyn aýdandarynda 30 jyl buryn salynǵan 4,9 km jylý júıelerin rekonstrýksıalaý jumystary aıaqtaldy. Bıvl tamyz aıynda Jetysý-2 shaǵyn aýdanynda 1,1 km jylý júıelerin qaıta jańǵyrtý jumystary aıaqtalmaq.
Jalpy, qalada ınjenerlik jelilerdi jańǵyrtý jáne jańartý boıynsha keshendi sharalar qyzý júrip jatyr. Osy sharalardyń arqasynda 2025 jyly sý júıeleriniń tozý deńgeıi 52,9%-ǵa, káriz júıesiniń tozýy 53,9%-ǵa, elektrmen jabdyqtaý júıesiniń tozýy 63,3%-ǵa deıin tómendeıdi.