Alataý aýdanynyń Mádenıet shaǵyn aýdanynda «Halyq qatysatyn búdjet» baǵdarlamasymen jáne aǵymdaǵy jóndeý aıasynda salynǵan balalar jáne sport alańynyń qurylysy aıaqtaldy. Alań buryn bos jatqan jerde salynǵan.
Bul jobanyń aýdany 3000 sharshy metr. Sonymen qatar, joba aıasynda munda fýtbol alańy, Mádenıet turǵyn úı kesheni men Saıyn kóshesiniń arasyndaǵy uzyndyǵy 220 qýma metrlik trotýar salynyp, alańdar, jaryq tirekteri, oryndyqtar men ýrnalar ornatyldy.
Buǵan qosa, jergilikti turǵyndardyń bastamasymen qosymsha balalar oıyn keshenderi, oryndyqtar men ýrnalar qosyldy.
2023 jyly Alataý aýdanynda «Halyq qatysatyn búdjet» baǵdarlamasynyń 2 kezeńi aıasynda turǵyndardan barlyǵy 99 joba kelip tústi, onyń ishinde turǵyndardyń daýys berýine qaraı 17 joba iske asyryldy.
Aýdanda byltyr «Halyq qatysatyn búdjet» aıasynda 54 joba júzege asqan. Qazirgi tańda barlyq joba aıaqtaldy.