Qazir aýdanda 86,4 shaqyrym bolatyn jol ortasha jóndeýden ótip jatyr, dep habarlaıdy aqshamnews.kz
Óńirlik komýnıkasıalar qyzmetiniń baspasóz ortalyǵynda ótken brıfıń barysynda Alataý aýdanynyń ákimi Danıar Qyryqbaev jol ınfraqurylymyn damytý barysy týraly baıandama jasady.
Qazir aýdanda 86,4 shaqyrym bolatyn jol ortasha jóndeýden ótip jatyr. Ol jumys Shańyraq-1, Shańyraq-2, «14-terrıtorıa», Aqbýlak, Alǵabas, Zerdeli, «AZTM», Boraldaı, Baıbesik, Shapaǵat, Ójet, «Ptısevod», Qarasý, Saıaly-1, Saıaly-2, Kókqaınar, Samǵaý, Tólebaı sıaqty 18 shaǵynaýdandy qamtyǵan.
Jóndeý jumysy tamyz aıynda bastalyp, 172 kósheni qamtydy.
Sonymen qatar, aýdanda Boraldaı jáne Rahat–Mádenıet shaǵynaýdandarynda Almaty qalalyq mobıldilik basqarmasynyń tapsyrysymen jańa jol da salyp jatyr. Taǵy 45 kóshede shuńqyrlar bitelip, tegistelip, 50 myń sharshy metr jol jabyny jańartyldy.