Óńirlik komýnıkasıalar qyzmetiniń alańynda Alataý aýdanynyń ákimi Danıar Qyryqbaev bilim berý ınfraqurylymyn damytýdyń qorytyndysyn tanystyrdy, dep habarlaıdy aqshamnews.kz
«Keleshek mektepteri» ulttyq jobasy aıasynda aýdanda bıyl jalpy qýattylyǵy 9 500 oryn bolatyn 5 jańa mektep ashyldy.
Jańa bilim berý mekemeleri myna shaǵynaýdandarda jumys isteıdi:
• Terekti – 2 000 oryn,
• Samǵaý – 2 000 oryn,
• Qarasý – 2 000 oryn,
• Aqbulaq – 1 500 oryn,
• Aıgerim – 2 000 oryn.
Sonymen qatar Alǵabas pen Ǵajaıyp shaǵynaýdanynda 3 200 orynǵa arnalǵan 2 000 jáne 1 200 oryndyq eki mekteptiń qurylysy jalǵasyp jatyr. Qurylys 2025 jyldyń sońynda aıaqtalyp qalýy kerek.
Qosymsha, Zerdeli shaǵynaýdanynda 550 oryndyq mektep salynyp bitip qaldy. Nysandy keler jyldyń aqpan aıynda paıdalanýǵa beredi.
Ákim bul jobalar oqýshy ornynyń tapshylyǵyn azaıtyp, ósip kele jatqan aýdanda qazirgi zamanǵa saı bilim berýge múmkindik jasaıtynyn atap ótti.