Almaty mektepterinde balalardy qorǵaý: barlyq mektepter men balabaqshalarda keshendi qaýipsizdik júıesi engizildi
Almatyda qala ákimi Erbolat Dosaevtyń tapsyrmasy boıynsha memlekettik orta jáne mektepke deıingi bilim berý uıymdarynda «Keshendi qaýipsizdik júıesi» jobasy iske asyrylýda. Qaýipsizdikti qamtamasyz etý boıynsha júz paıyz jumys júrgizildi, dep habarlaıdy almaty-akshamy.kz
Keshendi qaýipsizdik júıesi táýlik boıy kúzetti qamtamasyz etedi ári ǵımarattyń ishinde ornalasqan. Qaýipsizdik júıesi polısıa departamentine dabyl arqyly stasıonarlyq jedel áreket etetin dabyl túımesimen tolyqtyrylǵan. Qandaı da bir oqıǵa nemese tótenshe jaǵdaı týyndaǵan jaǵdaıda jedel top keledi.
Ornatylǵan vıdeokameralardan dabyl tikeleı polısıa departamentiniń jedel ortalyǵyna túsedi. Bilim berý obektileriniń búkil aýmaǵy táýlik boıy perımetri boıynsha qaralady. Beınebaqylaý kameralaryndaǵy materıaldar 30 táýlikke saqtalady. Sondaı-aq arnaıy kabınetterde jáne kitaphanada kúzet dabyly qarastyrylǵan, bul júıe eseptelgen jáne órt qaýipsizdigi júıesimen baılanysty, kúzet dabyly iske qosylady (qatty shý, esikter nemese terezeler ashylǵan kezde, qozǵalys kezinde nemese áınek synǵan kezde).
Qazirgi ýaqytta Almaty qalasynda 459 memlekettik uıymdarda jáne qalanyń barlyq vedimistik baǵynysty memlekettik bilim berý uıymdarynda mamandandyrylǵan kúzet jáne beınebaqylaý júıesi bar.
Búgin qalada 186 balabaqshaǵa jabdyqtar ornatý jumystary júrgizildi. Atap aıtqanda, 8638 beınebaqylaý júıesi ornatyldy, onyń ishinde 7062 - ishki, 1576 – syrtqy. Sondaı-aq, barlyq balabaqshalar Almaty qalasy polısıa departamentiniń jedel basqarý ortalyǵyna (JBO) sıgnal berý múmkindigi bar órtke qarsy qaýipsizdik júıesimen jabdyqtalǵan. Memlekettik menshik nysanyndaǵy mektepke deıingi bilim berý uıymdaryn baqylaý júıelerimen (domofondarmen), beınebaqylaý kameralarymen, dabyl túımelerimen jáne órtke qarsy qaýipsizdiktiń keshendi júıelerimen jaraqtandyrý jumystary oryndaldy.
2023 jyldyń jeltoqsan aıynyń basynan bastap mektepterde barlyq beınebaqylaý kameralaryn, JBO- na qosylǵan dabyl túımelerin jańartý jumystary bastaldy. Qazirgi ýaqytta 205 mektep pen 10 ınternat qaýipsizdik júıesimen qamtamasyz etilgen. Nátıjesinde 215 uıymda 11 831 beınebaqylaý kamerasy, 215 dabyl túımesi, betti taný múmkindigi bar 416 týrnıket ornatyldy.
Qaýipsizdik júıelerimen qalanyń kolejderi de jabdyqtalǵan. Máselen, 20 kolejde 1503 beınebaqylaý júıesi ornatylǵan. Onyń ishinde: 1064-ishki, 439-syrtqy. Bul rette 126 kamera Almaty q. PD JBO-ǵa qosylǵan. Sondaı-aq, dabyl túımeleri men týrnıketter ornatylǵan jáne barlyq 20 kolejge mamandandyrylǵan kúzet qyzmet kórsetedi.
Sondaı-aq, 17 mektepten tys mekemede 436 beınebaqylaý júıesi ornatylǵan. Onyń ishinde 233 kamera Almaty q.PD JBO-ǵa qosylǵan. Mektepten tys 7 mekemede 25 dabyl túımeleri men týrnıketter ornatyldy. Barlyq 17 mektepten tys mekemege mamandandyrylǵan kúzet qyzmet kórsetedi.
Bıyl kúrdeli jóndeý jumystary aıaqtalǵannan keıin mektepter men balabaqshalardy qaýipsizdik júıelerimen qaıta jaraqtandyrý josparlanýda.