Búgingi kún Almaty shahary úshin qaıǵyly jańalyqpen bastaldy. Osy jáne basqa da Almaty-akshamy.kz lentasynda jaryq kórgen jańalyqtarǵa sholý – kún kerýeni
Laıdan boldy ajaly
Búgin Almatynyń tańy kúńirenip atty. Aı men Kúnniń amanynda bir úıli otbasy laı kóshkininiń astynda qalyp, opat boldy. Qala basshysy Erbolat Dosaev laı kóshkinine baılanysty kóshpeli keńes ótkizdi.
«Basty basymdyq - izdeý-qutqarý jumystary. Aldyn ala aqparat boıynsha úıde turatyn adamdardy izdeý boıynsha barlyq jumyldyrý toptarynyń jumysyn úzdiksiz qamtamasyz etý qajet», - dedi Erbolat Dosaev.
Tabıǵı apat Medeý aýdanynyń «Taý Samaly» shaǵyn aýdanyndaǵy Olımpııskaıa kóshesi boıynda tehnogendik sıpattaǵy topyraqtyń laılanýy saldarynan bolǵan.
Laı kóshkininen eki turǵyn úı zaqymdandy
Zardap shekken úıde tórt adam bolǵan, ekeýi bala. Oqıǵa ornynda "Qazsseldenqorǵaý" MM, Almaty qalasy "109 qutqarý qyzmeti" Respýblıkalyq jedel-qutqarý jasaǵy, Almaty qalasy TJD, jedel járdem brıgadasy, Medeý aýdany ákimdiginen 160 adam jáne 30 birlik tehnıka jumys istedi.
Shahar basshysynyń sharapaty
Erbolat Dosaev laı kóshkini saldarynan qaza tapqandardyń týystary men jaqyndaryna kóńil aıtty. Almaty ákiminiń tapsyrmasy boıynsha otbasynyń barlyq múshelerin jerleýdi uıymdastyrý úshin kómek kórsetiledi. Opat bolǵan otbasynyń shetelde oqıtyn úlken ulyna bilim alýǵa jáne elimizge kelgen soń ómir súrýine materıaldyq qoldaý kórsetiletin bolady.
Eýrohattama iske qosyldy
Ol usaq jol-kólik oqıǵalaryn “jeńildetilgen tirkeýdi” júzege asyrý aıasynda júrgizýshilerge yńǵaıly bolý úshin jasalǵan.
Eýrohattama” arnaıy mobıldi qosymshasy arqyly qoldanýshylar saqtandyrý uıymyna onlaın ótinish bere alady, bıometrıalyq sáıkestendirýden ótip, sıfrlyq qujattardy, foto jáne beınematerıaldardy qosa alady, sonyń negizinde saqtandyrý uıymdar jábirlenýshiniń banktik shotyna tólem jasaıdy. Bul prosedýra jol-kólik oqıǵasyna qatysýshylardyń sany 2-den aspasa, keltirilgen zalal mólsheri 100 AEK-ten aspasa, úshinshi tulǵalardyń densaýlyǵy men múlkine zıany bolmasa, eki qatysýshynyń da avtokólikti mindetti saqtandyrý polısi bolsa, osy tártipti qoldanýǵa bolady. Sondaı-aq eki jaqtyń kelisimimen, bireýi kinásin moıyndaǵan jaǵdaıda. Óz kezeginde bul tártipti paıdalanǵan tulǵalar JKO jasaǵany úshin ákimshilik jaýapkershilikten bosatylady.
Álıevtiń ádil jeńdi me?
7 aqpanda Ázirbaıjanda Prezıdent saılaýy ótti. Saılaýda Ilham Álıevtiń jeńiske jetetinine eshkim kúmán keltirmegen. Ortalyq saılaý komısıasynyń aldyn ala esebi boıynsha Álıev 92,1% daýys jınaǵan. Saılaýdyń sońǵy qorytyndysy shyqpaǵannyń ózinde qazirgi prezıdenttiń jeńiske jetetini bárine belgili.
Ilham Álıev qalaı jeńiske jetti? Oǵan Taýly Qarabaqty elge qaıtarý saıasaty áser etti. Sebebi tarıhı ádildikti qalpyna keltirý, halyqtyń sana-sezimin oıatý sıaqty áreketter ǵana qatarynan besinshi ret jeńiske jetýge múmkindik beredi.
Toqaev telefon shaldy
Qazaqstan men Ázerbaıjan prezıdentteri telefon arqyly sóılesti
Qasym-Jomart Toqaev Ilham Álıevti Ázerbaıjan Respýblıkasynyń Prezıdenti laýazymyna kezekten tys ótken saılaýdaǵy aıqyn jeńisimen quttyqtady.
Qasym-Jomart Toqaev Ilham Álıevtiń ázerbaıjan halqynyń ıgiligi men damýy úshin qolǵa alǵan barlyq josparynyń tabysty oryndalýyna tilektestik bildirdi.
Qorǵaıdy dese qorlaı ma?
QR İshki ister mınıstriniń orynbasary Igor Lepeha qyz zorlady degen kúdikpen qamaýǵa alynǵan Taldyqorǵan polısıa basqarmasynyń bastyǵyna qatysty qozǵalǵan is boıynsha pikir bildirdi. Endi polısıadaǵy orta jastaǵy basshylar jappaı tekseriledi.
«Jeke quram arasynda tártipti kúsheıtý sharalary únemi qoldanylyp keledi. Sonyń biri – attestasıa. Jeke qurammen jumys isteýge birinshi kezekte jaýapty orta býyn basshylaryn tekserip, attestasıadan ótkizip, talapqa saı kelmeıtinderin shyǵaramyz. Eger polıseıler zańsyz áreketterge baryp jatsa, onda ózindik qaýipsizdik qyzmeti men kadrlyq bólimsheler qyzmetkerleri osy adamdardy erterek anyqtamaǵany úshin jaýap beredi», - dedi mınıstrdiń orynbasary.
Tórt saǵattyq test
Buǵan qosa erekshe bilim berý qajettilikteri bar talapkerler úshin qosymsha 40 mınýt ýaqyt beriledi.
«Testileý kezinde talapkerlerge birneshe úzilis beriledi. Testileýdiń 60 mınýty ótkennen keıin 2 mınýt, 120 mınýttan keıin 3 mınýt jáne 180 mınýttan keıin 3 mınýt kóleminde úzilis beriledi. Bul ýaqytta testke qatysýshylar jattyǵý jasap, sý iship, ózderimen birge alyp kelgen shokoladty jeı alady», - dedi QR ǴJBM Ulttyq testileý ortalyǵynyń dırektory Rýslan Emelbaev.