Búgin, qala kúninde almatylyqtar Qazaq memlekettik sırkiniń uıymdastyrýymen ótken «Shapıto» baǵdarlamasyn tamashalady.
Erekshe sırk baǵdarlamasy Tuńǵysh Prezıdent saıabaǵynda saǵat 12:00 jáne 15:00-de ótti. Kóshpeli formatta uıymdastyrylǵan sırk almatylyqtar men qala qonaqtaryna erekshe áser qaldyrdy.
Uıymdastyrýshylardyń sózinshe eki ret qoıylǵan baǵdarlamaǵa 500-ge jýyq adam tamashalaǵan. Olardyń basym bóligi balalar.
Kórermenderge akrobattar, áýe gımnasttary, jonglerler, sheber ekvılıbrıser jáne kóńildi saıqymazaqtar óner kórsetip, kóterińki kóńil-kúı syılady.
Sondaı-aq kórermender fantasıkalyq mýltımedıaly shoý tamashalady. Jarqyraǵan jaryq effektisi, erekshe LED-kostúmder jáne ınteraktıvti kórinister sırk arenasynda ertegi áleminde júrgendeı sezim qaldyrdy.
Búgin, 21 qyrkúıekte Qala kúnine oraı ótip jatqan merekelik is-sharalardyń mazmuny san alýan. Ásem megapolıstiń árbir saıabaǵy kóńildi merekelik boıaýǵa toldy.