Balalardyń ómir qaýipsizdigin qamtamasyz etý máseleleri - bul keshendi mindet.
Bul týraly Almatynyń óńirlik komýnıkasıalar qyzmetiniń brıfıńinde Almaty TJD Memlekettik órt baqylaý basqarmasynyń bas mamany, azamattyq qorǵaý maıory Daryn Muqanov málimdedi, dep habarlaıdy Almaty-akshamy.kz
Balalardyń qaýipsizdigi tek balalarǵa ǵana emes, sonymen qatar ata-analarǵa da qatysty. Óıtkeni, balalarmen bolǵan oqıǵalardyń basym bóligi eresekterdiń baqylaýy joqtyǵynan jáne balalarǵa qarapaıym erejelerdi túsindirmeýinen bolady.
Biraq barlyq ata-analar balany qalaı qorǵaýǵa jáne yqtımal qaıǵyly jaǵdaılardyń aldyn alýǵa bolatyndyǵyn bilmeıdi. Balalarda órt qaýpi sezimin qalyptastyrý, turmystyq tehnıkamen qaýipsiz jumys isteý jáne órt bolǵan jaǵdaıda durys áreket etý daǵdylaryn qalyptastyrý qajet.
ÓKQ spıkeri balalardyń otpen oınaýy qandaı qaýipter ákeletini týraly, sondaı-aq órt bolǵan jaǵdaıda júzege asyrylýy tıis is-qımyldar algorıtmi týraly aıtty.
"Birinshi jartyjyldyqta bizde 346 órt boldy, onyń 4-i "balalardyń órtpen oınaýy" sebebinen", - dedi D.Muqanov.
Óz kezeginde, TJD qyzmetkerlerimen "Qaýipsiz úı" aılyǵy sheńberinde 29 maýsymnan bastap 1000-nan astam (28 metrden joǵary) bıik úıler aqparattyq-túsindirý jumystarmen qamtyldy, 7,5 myń adamdy qamtyǵan 140 turǵyndarmen kezdesý ótkizildi, "Turmystaǵy qaýipsizdik sharalary", "Jer silkinisi kezindegi 10 qadam" "Balalardyń terezeden qulaýy" taqyryptaryna 70 myńnan astam jadynama taratyldy.
Balalarmen bolǵan qaıǵyly jaǵdaıdyń eń kóp taraǵan sebepteriniń biri-balalardyń terezeden qulap ketýi. Jyl basynan beri osyndaı eki fakt tirkeldi.
"Terezeden qulaý-balalar jaraqaty men óliminiń negizgi sebepteriniń biri. Balany terezeden qulaýdan qalaı qorǵaýǵa bolady? Kóp jaǵdaıda bizdiń balalarymyzdyń qulaýy qalada, kóp páterli turǵyn úılerde bolady. Balanyń terezege kóterilýine jol bermeý úshin jıhazdyń barlyq túrlerin terezelerden alystatý kerek. Eshqashan shybyn-shirkeıge arnalǵan torǵa senbeńiz, olar qulaýdan qorǵamaıdy. Sondaı-aq, terezelerge bekitkishter men torlardy ornatý qajet. Bıyl 2 fakt tirkeldi, ótken jyly balalardyń terezeden qulaýynyń 8 faktisi oryn aldy", - dedi ol.
Almaty turǵyndaryna balalardyń otpen oınaý sebebinen bolatyn órttiń aldyn alý sharalary týraly eske salyndy:
- balalarǵa órt qaýipsizdigi týraly aıtyp berińiz;
- balaǵa qyzyq bolý úshin, úıden biraz ýaqytqa alystańyz, oǵan tapsyrma berińiz, oıyn taqyrybyn aıtyńyz, qajetti oıynshyqtardy tańdańyz;
- sirińkeler men ottyqtar balalarǵa arnalǵan oıynshyq emes. Olardy balalarǵa qol jetimdi jerlerde qaldyrmańyz;
- úıde pesh jaǵýdy kishkentaı balalarǵa senip tapsyrmańyz jáne janyp turǵan peshti qaraýsyz qaldyrmańyz;
- barlyq ashyq elektr rozetkalaryn "óshirińiz", bul úshin kez-kelgen turmystyq dúkende satylatyn jáne óte arzan bolatyn arnaıy plasıkalyq tútikterdi qoldanyńyz;
- elektr qurylǵylaryn qaraýsyz qaldyrmańyz. Balalardy olardy durys qoldanýǵa úıretińiz;
- órt, apat jáne t. b. jaǵdaılardaǵy áreketke úıretińiz;
- balańyz úıiniń meken-jaıyn bile me, tekserińiz.
Tótenshe jaǵdaıda balalarǵa kómekke qaıda júginý kerektigin bilý mańyzdy. Táýlik boıy jumys isteıtin jáne kez kelgen ýaqytta kómekke kelýge daıyn jedel qyzmet nómirlerin este nemese uıaly telefonǵa saqtańyz.
Jedel qyzmet nómirleri:
101 – órtke qarsy qyzmet;
102 – Polısıa;
103 – Jedel medısınalyq kómek;
111 – otbasy, áıelder jáne balalardy qorǵaý máseleleri jónindegi biryńǵaı baılanys ortalyǵy;
112 – shuǵyl qońyraý.