Almaty boıynsha Memlekettik kirister departamenti Qazaqstan aýmaǵynda ýaqytsha ákelinetin kólikterdi satyp alý, mundaı avtokólikterdi kedendik rásimdeýden ótken soń, tıisti kedendik tólemder men salyqtardy tólegennen keıin ǵana paıdalanýǵa bolatynyn aıtty, dep habarlaıdy Almaty-akshamy.kz.
Sheteldik jeke tulǵalardyń jeke paıdalanýǵa arnalǵan avtokólikti bir jyldan aspaıtyn merzimge ýaqytsha ákelýge ruqsat etiledi.
«Avtokólikterdi shetel azamattary ýaqytsha ákelgen kezde, eger olardy shetel azamattary paıdalanǵan bolsa ǵana kedendik tólemder tólenbeıdi»,-delingen habarlamada.
Vedomstvoda atap ótkendeı, talap etiletin kedendik bajdar men salyqtar tólenbegen jaǵdaıda avtokólik ýaqytsha saqtaý qoımasynyń kedendik baqylaý aımaǵynda ustalyp, ornalastyrylýǵa jatady.
Aldaǵy ýaqytta kólik ustalǵannan keıin bir aı ishinde tólenbegen nemese alynbaǵan jaǵdaıda mundaı avtokólik satylyp, qarajat QR búdjetine aýdarylady.