Qylmys jasady degen kúdikpen 32 jastaǵy jergilikti turǵyn ustaldy.
Ol birneshe aı boıy ózin Ulttyq banktiń qyzmetkeri retinde tanystyrǵan, dep habarlaıdy Almaty-akshamy.kz Polisia.kz-ke silteme jasap.
«K. esimdi azamat jábirlenýshilerge aýqsıon arqyly naryqtan tómen baǵada kólik alyp beremin dep ýáde bergen. Ol tanystary arqyly satyp alýshylardy tapqan. Alaıaqtyq deregi boıynsha QR QK-niń 190-baby 3-bóligine sáıkes sotqa deıingi tergeý bastaldy. Azamattarǵa keltirilgen materıaldyq shyǵyn kólemi 6 mıllıonnan astam teńgeni qurady. Tergeý barysynda ustalǵan adamǵa qatysty qamaýǵa alý túrindegi bultartpaý sharasy tańdaldy», — dedi Almaly aýdandyq polısıa basqarmasynyń bastyǵy Esen Ysqaqov.
Jedel izdestirý sharalary barysynda polısıa qyzmetkerleri qylmystyq árekettiń qosymsha epızodtaryn anyqtady, biraq jedel ýákilder jábirlenýshilerdiń kóp bolýy múmkin ekendigine senimdi. Sondyqtan tártip saqshylary osy adamnyń qylmystyq áreketinen zardap shekken azamattardy Almaly aýdandyq PB-ǵa nemese myna telefon nómirlerine habarlasýǵa shaqyrady: 8-705-555-77-63; 8-775-747-77-78.