Boryshkerlerdiń basym kópshiligi Almatyda shoǵyrlanǵan – vıse-mınıstr.
Jeke tulǵanyń bankrottyǵy týraly zańnama daıyndalǵannan bastap Qarjy mınıstrliginiń qyzmetkerleri óńirlerdi aralap, eń kóp boryshkerleri bar aımaqtarda túsindirý jumystary júrgizildi. Bul týraly Ortalyq komýnıkasıalar qyzmeti alańynda ótken saraptamalyq kezdesýde QR qarjy vıse-mınıstri Erjan Birjanov málimdedi, dep habarlaıdy Almaty-akshamy.kz Azattyg Ruhy-na silteme jasap.
Spıkerdiń aıtýynsha, boryshkerler kóp ornalasqan aımaqtarǵa Almaty qalasy, Almaty oblysy, Astana qalasy, Túrkistan oblysy jáne SHQO kiredi. Onyń ishinde boryshkerlerdiń 1/5-i Almaty qalasynda shoǵyrlanǵan.
«Zańnamany túsindirý jumystaryn osy óńirlerden bastap, azamattarmen kezdestik. Zańnyń ár tetigin túsindirdik. Kelip túsken usynystardyń kóbi qujatty daıyndaý barysynda eskerildi. Qazirgi tańda zańnama kúshine ense de, iske asyrýǵa baılanysty áli de kóp suraq týyndap jatyr. Aıta keteıik, zańnama máseleni tolyqtaı sheshpeıdi. Zańnama qural retinde qabyldandy. Ol panaseıa emes», - dedi spıker.
Onyń málimetinshe, jyl basynan beri túsindirý jumystary aıasynda 15 myńnan astam adam túrli suraqpen júgindi.
«Sharalardy júzege asyrý barysynda zańǵa engizýge bolatyn keıbir jaqsy usynystar bolýy múmkin. Boryshkerler bul prosedýrany esh kedergisiz, qıyndyqsyz paıdalanýy úshin halyqtyń pikirin eskeretin bolamyz», – dedi E.Birjanov.