23 jastaǵy jigit 10 kún ishinde tórt ret bótenniń múlkin urlaǵan.
Qalta urysy almatylyqtardy monshada tonap júrgen, dep habarlaıdy Polisia.kz.
Atalǵan derekter boıynsha qylmystyq ister qozǵaldy.
«QR QPK-niń 128-babyna sáıkes, QR QK-niń 188-baby 3-bóliginiń 2,3-tarmaǵy – zańsyz kirý arqyly bótenniń múlkin birneshe ret jymqyrý boıynsha qylmystyq quqyq buzýshylyq jasady degen kúdikpen 23 jastaǵy K.esimdi azamat ustaldy. Tergeý barysynda kúdiktiniń Áýezov aýdanyndaǵy monsha keshenderinde ǵana urlyq jasaǵandyǵy anyqtaldy. Ol jasyryn túrde túrli markaly uıaly telefondardy urlap, keıin oqıǵa ornynan boı tasalaǵan», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Kúdikti ýaqytsha ustaý ızolátoryna qamaldy. Polısıa qyzmetkerleri kúdiktiniń osyǵan uqsas basqa da qylmystarǵa qatysy bar-joǵyn anyqtaýda. İstiń tolyq jáne jan-jaqty tergeýin qamtamasyz etýge baǵyttalǵan birqatar tergeý áreketteri júrgizilýde, nátıjesinde atalǵan qylmystyq is sotqa joldanatyn bolady.