Ol nesıe alyp beremin degen jeleýmen 40-tan astam adamnyń qarajatyn ıemdengen.
Almaty polısıasy “Hi-Tech” is-sharasy aıasynda turǵyndarǵa jıi kezdesetin alaıaqtyq túrleri týraly aıtyp berdi, – dep habarlaıdy Almaty-akshamy.kz
Almatyda aqparattyq tehnologıalar, sonyń ishinde ınternet-alaıaqtyq salasyndaǵy qylmystardy ashýǵa jáne aldyn alý tıimdiligin arttyrýǵa baǵyttalǵan “Hi-Tech” is-sharasy aıaqtaldy.
«İs-shara kezeńinde krımınaldyq polısıa qyzmetkerleri arasynan mamandandyrylǵan jedel-izdestirý toptary quryldy. Atalǵan is-shara barysynda “Kıberpol” bólimshesi 154 alaıaqtyq jasady degen kúdikpen 21 ınternet-alaıaqty ustady. Olardyń arasynda iri alaıaqtyq jasaǵany úshin Qostanaı oblysynyń polıseıleri izdep júrgen 27 jastaǵy M.esimdi azamat ta bar. Alynǵan málimetterge sáıkes, qaskóı úshinshi adamdarǵa taýarlyq nesıelerdi rásimdeýmen aınalysqan. Keltirilgen shyǵyn kólemi 6 mıllıon teńgeden asady. Ol qamaýǵa alyndy. Sonymen qatar osy kúnderi Instagram áleýmettik jelisinde jalǵan akkaýnt ashyp, nesıe tarıhy nashar adamdarǵa nesıe alyp beremin degen jeleýmen 40-tan astam adamnyń qarajatyn ıemdengen 23 jastaǵy I.esimdi azamat ustaldy. Ol da qamaýǵa alyndy», dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.