Mamandar qala turǵyndaryn belsendi bolýǵa shaqyrdy.
Almatyda TKSH reformasy jalǵasýda, ol PIK-ten turǵyn úı qoryn basqarýdyń jańa túrlerine kóshýdi kózdeıdi. Almaty qalasy turǵyn úı saıasaty basqarmasynyń basshysy Danıar Qyryqbaev Óńirlik komýnıkasıalar qyzmetiniń brıfıńinde megapolıs turǵyndarynyń osy aýysý prosesinde jıi kezdesetin problemalary týraly aıtyp berdi, dep habarlaıdy Almaty-akshamy.kz.
Spıkerdiń aıtýynsha, problemalardyń biri PIK-tiń úıdi MIB-ke ótkizgisi kelmeýi bolyp tabylady. Kóbinese basqarý organdarynyń tóraǵalary qabyldaý-tapsyrý aktisine óz erkimen qol qoıýdan bas tartady, al sot prosesteri orta eseppen 1 jylǵa deıin sozylady.
Ekinshi másele – aýla aýmaqtaryn kútip ustaý boıynsha týyndaıtyn máseleler. Páterlerdiń, turǵyn emes úı-jaılardyń menshik ıeleri kondomınıým quramyna engizilmegen úı janyndaǵy jáne aýla aýmaqtaryn tazartýdan keıde bas tartady.
Úshinshi másele – shaǵyn páterlik turǵyn úılerdi kútip ustaý. Shaǵyn páterlik turǵyn úıler úshin (8-18 páterlik úıler) budan ári turǵyn úıdi ustaýǵa arnalǵan shyǵystar esebinen kútip-baǵýmen MIB nemese JS tulǵasynda basqarýdyń jańa nysandarynyń birin tańdaý aqsha qarajaty sanynyń az túsýine baılanysty júkqujat bolýy múmkin.
Danıar Qyryqbaev joǵaryda atalǵan problemalyq máseleler boıynsha QR IIDM ortalyq memlekettik organyna bastamashylyq hattar jiberilgenin habarlady. Sonymen qatar, QR Parlamenti Májilisiniń qaýlysyna sáıkes, Almaty qalasy TKSH reformalaý jónindegi jumys tobynyń quramyna engizildi.
«Osy múmkindikti paıdalana otyryp, qalamyzdyń turǵyndaryna ótinish bildirgim keledi. Qurmetti turǵyndar! Sizderdi barynsha belsendi bolýǵa shaqyramyn. Zań bar, normatıvtik-quqyqtyq aktiler bar, olardy qoldanyńyzdar! Keńes berý úshin bizdiń esigimiz sizder úshin árdaıym ashyq, Bizdiń basqarma Dostyq dańǵyly 85 mekenjaıdaǵy Áleýmettik qyzmetter úıinde ornalasqan. Birinshi qabatta «bir tereze» qaǵıdaty boıynsha barlyq áleýmettik qyzmetterdi alý úshin qolaıly jaǵdaılar jasalǵan. Sizder bizdiń mamandarmen 225-14-31 nómiri boıynsha baılanysa alasyzdar», - dep atap ótti Almaty qalasy turǵyn úı saıasaty basqarmasynyń basshysy.