Ol qamaýǵa alyndy. Onyń ústinen úsh adam aryz jazǵan.
Paıyzsyz nesıe alyp berýge ýáde etken zańger almatylyqtardy aldap ketti, dep habarlaıdy Almaty-akshamy.kz Rolisia.kz saıtyna silteme jasap.
29 jastaǵy T.esimdi azamat zańgerlik keńsede zańger retinde ınternette azamattarǵa ekinshi deńgeıli bankter arqyly paıyzsyz nesıe alýǵa kómektesemin dep óz qyzmetin usynǵan.
«Tergeý barysynda onyń paıdakúnemdik maqsatta ınternette paıyzsyz nesıe alýǵa kómektesetini týraly jalǵan habarlandyrýlar jarıalaǵany anyqtaldy. Tipti nashar nesıe tarıhy bar adamdarǵa da kómektespek bolǵan. Qaryz alýshylarmen kelissózder tek WhatsApp messendjeri arqyly ǵana júrgizildi. Er adam elektrondyq aýdarym arqyly qyzmet aqysyn alǵan, sodan keıin ol habarlandyrýdy alyp tastap, uıaly telefondy óshirip tastaǵan», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Ustalǵan azamatqa qatysty QR QK-niń 190-baby (Alaıaqtyq) boıynsha sotqa deıingi tergeý amaldary júrgizilýde.