«Almaty Finance» enshiles uıymy (Almaty ÁKK kompanıalar tobyna kiredi) «Almaty» MQU aǵymdaǵy jyldyń 9 aıynda almatylyqtarǵa shaǵyn jáne mıkrobıznesti damytý úshin 80-nen astam jeńildetilgen nesıe berdi.
Nesıelerdiń eń kóp bóligin óndiris jáne óńdeý (30%), densaýlyq saqtaý (17%), bilim berý (10%), halyqqa qyzmet kórsetý (10%), týrızm (6%), áleýmettik kásipkerlik (6%), sonymen qatar kreatıvti ekonomıka (5%) salalarynda jobalary bar kásipkerler alǵan.
Kórsetilip otyrǵan kezeńdegi qarjylandyrýdyń jalpy somasy 2,6 mlrd teńgeden asty.
Kásibin endi bastaǵan jáne turaqty jumys istep júrgen kásipkerlerge «Almaty Business-2025» óńirlik kásipkerlikti damytý baǵdarlamasy aıasynda jyldyq 2% jáne 6% jeńildikpen nesıe berildi. Aqsha jabdyqty, shıkizatty satyp alýǵa, aınalym qarajatyn tolyqtyrýǵa jáne basqa da bıznes qajettilikterin jabýǵa bólinedi.
«Almaty» MQU-nyń 7 jyldyq merzimge deıin beretin nesıesiniń eń joǵary somasy 73 840 000 teńgeni quraıdy.
2019 jyldan bastap 2024 jyldyń 3 toqsanyna deıin «Almaty» MQU barlyǵy 12,5 mlrd teńgege jýyq somaǵa 560-tan astam shaǵyn jáne mıkro bıznes jobalaryn qarjylandyrdy.
«Almaty» MQU-nyń «Almaty Business» baǵdarlamasy boıynsha jeńildetilgen nesıelendirý aıasynda qalada 2300-den astam jumys orny ashyldy. Jańa kásipkerlik sýbektileriniń ashylýymen qatar, baǵdarlama jergilikti búdjetke salyq túsimderin arttyrýǵa da belsendi yqpal etýde», - dep atap ótti «Almaty» MQU Basqarma tóraǵasy Altaı Ismaǵambetov.
«Almaty» MQU-nyń jeńildetilgen nesıelendirýi týraly tolyǵyraq aqparatty +7 (727) 390 80 42 telefony arqyly nemese https://mfoalmaty.kz/ saıtynan bile alasyz.