Almatyda "Jastar rýhy" kovorkıg-ortalyǵynda Qostanaıdaǵy tilsiz jaýdyń shyǵynana baılanysty gýmanıtarlyq kómek uıymdastyrýda.
Bul sharaǵa muryndyq bolýshy AMANAT partıasynyń Almaty qalalyq fılıaly bolyp tabylady. Birneshe kúnnen beri Qostanaı oblysynyń Áýlıekól aýdanyndaǵy órtten orman-toǵaı ǵana órtenip qoımaı, adam shyǵynyn jasady. Tilsiz jaı birshama aýmaqty sharpydy. Sonyń saldaryn joıý, qysyltaıań shaqta Almaty jurtshylyǵy da óz járdemderin tıgizýde.
Atalǵan kómek ortalyǵyna beldi kásipkerler, qala turǵyndary, qarpaıym azamattarda óz úlesterin qosýda. Naqtyraq baıandaǵanda, qant, un, kúrish, sary maı, sabyn syndy turmystyq qajettilik týdyratyn zattar jınalý ústinde. Bul týraly "Jastar Rýhy" JQ AQF tóraǵasy Ákejan Keńesov málim etti.
"Búgin tańerteńnen bastap Qostanaıǵa kómek qolyn sozý maqsatynda gýmanıtarlyq pýnkt ashyldy. Osy jerde eriktiler, turǵyndar, kómektesýge nıetti jastar kelip jatyr. Munda azyq-túlikten bólek, jeke gıgıenalyq zattar ákelinýde. Sonymen birge qurylys zattaryn da alyp kelýde. Kómektesemdeýshiler qatary artyp barady. Almaty qalasynyń turǵyndary, máslıhat depýttary qoldaýyn bildirýde", - dedi Á.Keńesov.
Sonymen qatar atalǵan ortalyqqa qarapaıym shahar turǵyndarynyń, jastardyń óz úlesterin qosyp, atsalysýda.
"Biz otbasymyzben birge osy bir keleńsiz habardy estidik. Anyq-qanyǵyn áleýmettik jelilerinen bildik. Osy jaǵdaıǵa júregimiz aýyrdy. Sol sebepti de azda bolsa kómektesýdi oıladyq. Sondyqtan kıim-keshek, azyq-túlik, syndy túrli nárselerdi ótkizdik", - dedi Ershat Sábıtov esimdi qala turǵyny.