26 sáýirde qala turǵyndary arasynda Prezıdenttik testter boıynsha chempıonat ótti.
Ortalyq stadıonnyń qosalqy alańynda ótken sporttyq shara Almaty qalasy Sport basqarmasy men «Almaty qalasynyń Prezıdenttik kópsaıys jáne teńiz sport túrleri federasıasynyń» qoldaýymen uıymdastyrylǵan.
Sporttyq básekege toǵyz jastan joǵary mektep oqýshylarynan tartyp, jetpisten asqan ardager sportshylardy qamtyǵan myńnan astam almatylyq qatysty.
Baıqaý baǵdarlamasy boıynsha qatysýshylar 30, 60 jáne 100 metrge júgirdi, orynynan uzyndyqqa sekirdi, sondaı-aq týrnıkke tartyldy jáne 500 jáne 1000 metr qashyqtyqqa júgirdi.
Jarysqa qatysqandardyń biri, 62 jastaǵy Sergeı Konnyh óz áserimen bólisti.
- Men úshin bul jarystar — tek fızıkalyqtyq formany synaý emes. Bul rýh merekesi, ózińdi uly sporttyq otbasynyń bir múshesi seziný jáne jas tek san ekenin dáleldeý múmkindigi. Eń bastysy — qozǵalysta bolý jáne óz kúshińe sený! - dedi Sergeı Konnyh.
Jarystyń eń jas qatysýshysy, 9 jastaǵy Sofıa Sehoskaıa is-shara kóńilinen shyqqanyn aıtty.
- Maǵan júgirý, sekirý syndy sport túrleri qatty unaıdy. Ózimdi naǵyz sportshydaı sezindim. Áli de jattyǵý jasap, kelesi joly jeńiske jetkim keledi, - dedi ol.
Jeńimpazdar men júldegerler ár jas sanatynda erler jáne áıelder arasynda jeke nátıjeler boıynshy anyqtaldy.
