Qala turǵyndary men qonaqtary uıymdastyrýshylar daıyndaǵan san alýan is-sharalar men aksıalarǵa belsendi qatysýda,dep habarlaıdy aqshamnews.kz
Mysaly, «Astana» alańy mańynda ulttyq sport túrlerinen jarystar ótip jatyr. Týrnırge qalanyń 8 aýdanynan kelgen komandalar qatysty. Arqan tartý saıysynda Medeý aýdanynyń qurama komandasy Jetisý aýdanynyń sportshylaryn jeńip shyqty. Sonymen qatar, ashyq aspan astyndaǵy sahnada qazaqstandyq estrada juldyzdary óner kórsetip, qala turǵyndary men qonaqtaryn Naýryz meıramymen quttyqtady.
Panfılov kóshesindegi shara qonaqtardyń nazaryn kóshe sıqyrshylaryna aýdardy. Olar erekshe trúkter kórsetip, ásirese balalardyń qyzyǵýshylyǵyn oıatty. 
Sondaı-aq, áıgili komıksterden alynǵan transformer-robottar beınesindegi músinder de kórermendi tańǵaldyrdy. Kópshilik olarmen sýretke tústi. 
Merekeniń basty sánine aınalǵan kórmelerdiń biri – belgili fotograf Ońǵarbek Alharovtyń týyndylary. Ol qazaqtyń ulttyq kıimderin kıgen adamdardy beıneleıtin erekshe fotoserıasyn usyndy.
“Osy arqyly men halqymyzdyń rýhanı baılyǵyn jáne mádenı murasyn jetkizýge tyrysamyn. Kóshpendilerdiń baı dástúri men mádenıetin sýretterim arqyly áńgimelep beremin. Naýryz – meniń eń súıikti merekem. Ol tabıǵattyń jańarýyn, jańa ómirdiń bastalýyn bildiredi jáne bolashaqqa degen senimdi kúsheıtedi. Osy ýaqytta qalanyń ortalyǵy merekelik kóńil-kúıge tola tústi. Almatylyqtar otbasylarymen kelip, túrli is-sharalarǵa belsendi qatysady. Sóıtip Naýryz meıramynyń shattyqqa toly atmosferasyn sezinedi”, - deıdi Ońǵarbek Alharov.