Qaryzdy qaıtarý sharalary qolǵa alynyp jatyr.
Almaty turǵyndary komýnaldyq qyzmetke 1,5 mlrd teńge qaryz. Bul týraly «Almaty jylý jelileri» JSHS bas ınjeneri Danıar Qazymbetov málim etti, dep habarlaıdy Almaty-akshamy.kz QazAqparatqa silteme jasap.
«Búgingi tańda tutynýshylardyń paıdalanǵan ystyq sý men jylý úshin kásiporyn aldyndaǵy jalpy qaryzy shamamen 1,5 mlrd teńgeni quraıdy. Onyń ishinde zańdy jáne jeke tulǵalarmen qatar memlekettik mekemeler de bar. Qazir debıtorlyq qaryzdy qaıtarý sharalaryn qolǵa alyp jatyrmyz», — dedi Danıar Qazymbetov.
Kompanıa ókili qala turǵyndaryn jylý men ystyq sýǵa qaryzdaryn tóleýge shaqyrdy. Buǵan deıin Almaty qalasynyń ákimdigi megapolıs jylytý maýsymyna tolyq daıyn ekenin málimdegen bolatyn.
Erejege sáıkes, qalany jylý júıesine qosý syrtqy aýa temperatýrasy +8°S jáne odan tómen bolǵanda bes táýlik ishinde júrgiziledi. Birinshi kezekte jylýǵa densaýlyq saqtaý, bilim berý ǵımarattary jáne ózge de áleýmettik obektiler qosylatyn bolady. Keıin jylý kóp páterli turǵyn úılerge beriledi.