Búgin qalanyń barlyq aýdany Astana kúnin atap ótti.
Dástúr boıynsha Ortalyq mádenıet jáne demalys saıabaǵynyń jazdyq sahnasynda qalanyń shyǵarmashylyq ujymdarynyń qatysýymen merekelik konsert ótti, dep habarlaıdy Almaty-akshamy.kz
Merekelik baǵdarlamanyń shymyldyǵyn ár tilde án shyrqaǵan ónerli balalar ashty. Oqýshylar patrıottyq jáne zamanaýı kompozısıadaǵy shyǵarmalardy oryndady.
Konsertti tamashalaýǵa almatylyqtar otbasymen keldi.
Búgin konserttik baǵdarlamadan bólek qalada túrli sheberlik saǵattary, fleshmobtar, kórmeler, dáris pen poezıa keshteri ótedi.
Jyl saıyn atap ótiletin mereke jalpyhalyqtyq sıpatqa ıe bolyp keledi. Búgin qalamyzdyń barlyq aýdanynda merekelik keshter ótti. Ashyq aspan astyndaǵy keshki konsertke Lýına, Ziruza, Akim, Kyle Ruh, Bonapart, C.C.Tay, Malika Yes, Aya Funk, Rin'Go, «Jigitter», «Baqaı» toptary jáne basqa da qazaq estradasynyń ókilderi qatysady delingen.
Merekege oraı Astanada 100-ge jýyq túrli is-sharalar ótedi. Qala turǵyndary men qonaqtar nazaryna konserttik baǵdarlamalar, festıváldar, sporttyq týrnırler jáne taǵy basqa qyzyqty sharalar usynylady.