Alaıaqtyq jasady degen kúdikpen 30 jastaǵy O.esimdi azamat ustaldy. Tártip saqshylarynyń aıtýynsha, ol 15-shi modeldegi iPhone telefonyn naryq baǵasynan tómen baǵaǵa satyp alýdy usynǵan. Biraq taýar úshin aqsha alǵannan keıin ol jasyrynyp qalǵan, al túsken aqshany óz qalaýy boıynsha paıdalanǵan, – dep habarlaıdy almaty-akshamy.kz Polisia.kz-ke silteme jasap.
– Jedel-izdestirý is-sharalary barysynda kúdikti ustaldy. Onyń kem degende 3 alaıaqtyq isine qatysy bar ekeni anyqtaldy. Qazir kúdikti ýaqytsha ustaý ızolátorynda otyr. Aldanǵan adamdardyń kóp bolýy múmkin ekenin joqqa shyǵarmaımyz. Sondyqtan O.esimdi azamattyń áreketinen zardap shekken azamattardy myna telefondarǵa habarlasýǵa shaqyramyz: 8-701-233-47-90; 8-747-700-00-72 jáne 8-778-677-67-65, – dedi Bostandyq aýdandyq polısıa basqarmasynyń bastyǵy Maqsat Qanapáev.
Qazaqstan QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.