Naýqan bastalǵannan beri qala turǵyndaryna ashyq kók, jasyldan sur jáne shokolad reńkterine deıin túrli tústi 2,4 myń lıtr boıaý tegin taratyldy. Qala turǵyndary alynǵan lak-boıaý materıaldaryn óz aýlalaryndaǵy besedkalar men oryndyqtardyń, sondaı-aq jeke úılerdegi qorshaýlar men qaqpalardyń kórinisin jaqsartý úshin paıdalanýda.
«Kóktem keldi, qys mezgilinde, turaqty jaýyn-shashyn kezinde jarylǵan jáne tozǵan qorshaýlarymyzdy retke keltirý kerek. Óz úıimiz ben ýchaskemizdi jańartýǵa múmkindik bergenderińizge qýanyshtymyn», - dep bólisti Almaly aýdanynyń turǵyny Nına Ivanovna.
«Óz qorshaýyńdy/oryndyǵyńdy/besedkańdy kórset» aksıasy «Almaty - bizdiń ortaq úıimiz» naýqany aıasynda ótkizilip, 8 mamyrǵa deıin jalǵasady. Negizgi nazar halyqtyń áleýmettik osal toptary (HÁOT)sanatyna aýdarylýda.
- Aksıalarǵa qatysý úshin aýdandyq abattandyrý bólimderine júginý qajet. Lak-boıaý zattary óteýsiz negizde bir qolǵa 2 kg-ǵa deıin usynylady.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
