Almaty qalasy boıynsha saýda jáne tutynýshylardyń quqyqtaryn qorǵaý departamenti 2024 jyldyń basynan beri turǵyndardan 4 myńǵa jýyq ótinishti qarady.
Bul týraly Óńirlik komýnıkasıalar qyzmetiniń brıfıńinde QR saýda jáne ıntegrasıa mınıstrliginiń Almaty qalasy brıynsha Saýda jáne tutynýshylardyń quqyqtaryn qorǵaý departamenti basshysynyń orynbasary Nýrlan Abdıev málimdedi, dep habarlaıdy Almaty-akshamy.kz
Departament jumysynyń negizgi baǵyttarynyń biri halyqqa keńes berý, aqparattandyrý, sondaı-aq saýda jáne tutynýshylardyń quqyqtaryn qorǵaý salasyndaǵy zańnamanyń saqtalýyna memlekettik baqylaýdy júzege asyrý bolyp tabylady.
2024 jyldyń 5 aıynda Departament azamattardyń 4000-ǵa jýyq ótinishin qarady. Ótinishterdi qaraý qorytyndysy boıynsha jospardan tys 20 tekserý júrgizildi. Tutynýshylarǵa 100 918 331 teńge qaıtaryldy. Sondaı-aq, osy kezeńde Departament 102 ákimshilik jaza qoldandy.
"Tutynýshylardyń quqyqtaryn qorǵaý salasyndaǵy negizgi buzýshylyq tutynýshynyń shaǵymyna 10 kúndik kúntizbelik merzimde jaýap bermeý, saýda salasynda-áleýmettik mańyzy bar azyq – túlik taýarlaryna zańnamada belgilengen saýda ústemesin buzý bolyp tabylady", – dedi Nýrlan Abdıev.
Departament jumysynyń mańyzdy baǵyty saýda jáne tutynýshylardyń quqyqtaryn qorǵaý salasyndaǵy zańnama normalaryn saqtaý boıynsha is-sharalar keshenin júrgizý bolyp tabylady.
Ótinishterdiń negizgi úlesi Departament júıeli túrde qaraıtyn bólshek saýda jáne elektrondyq saýda salasyna tıesili. TKSH qyzmetteri salasynda ótinish túsken kezde Departament máseleni jedel sheshý úshin Almaty qalasynyń jergilikti atqarýshy organdarymen turaqty negizde jumys júrgizedi.
Bilim berý qyzmetteri, medısınalyq qyzmetter kórsetý salasyna, sondaı-aq qoǵamdyq tamaqtandyrý salasynda kelip túsetin ótinishter, munda ótinishterdiń negizgi aǵymy taýardyń (jumystyń, kórsetiletin qyzmettiń) tutynýshylyq qasıetterine nemese sapasyna qatysty jańylystyrý jolymen kelip túsedi, Departamenttiń jumysy tutynýshynyń paıdasyna jedel sheshim qabyldaý úshin ishki ister organdarymen tyǵyz yntymaqtastyqta jasalady. Sondaı-aq, baılanys qyzmetteri salasyndaǵy ótinishterge qatysty máseleler boıynsha Departament Almatynyń uıaly baılanys operatorlarymen ózara belsendi is-qımyl jasaıdy.
ÓKQ spıkeri turmystyq qyzmet kórsetý salasynda tutynýshylar kóbinese sapasyz qyzmet alatynyn atap ótti. Departament tutynýshylarmen túsindirý jumystaryn júrgizedi, sotqa deıingi ary qaraı sottarǵa úshinshi tulǵalar retinde qatysý talaptaryn jasaýda quqyqtyq kómek kórsetedi.
Sondaı-aq, Departament Almaty qalasynyń qoǵamdyq uıymdarymen qala azamattarynyń tutynýshylyq quqyqtaryn qorǵaý salasynda belsendi jumys júrgizýde.
Osy kórsetkishterdi taldaý nátıjesi tutynýshylyq quqyqtyq mádenıettiń artýy týraly da, josyqsyz kásipkerlik qyzmettiń óskenin kórsetken.
«Sapaly ónim» áleýmettik jobasy aıasynda Almaty qalasynyń qoǵamdyq uıymdary tamaq ónimderiniń qaýipsizdik sapasynyń sáıkestigin anyqtaý úshin sheteldik óndirýshilerdiń 19-ǵa jýyq ónim ataýyn satyp alyp, tamaq ónimderiniń synaq zerthanasyna saraptama júrgizýge jiberildi. Qazaqstan Respýblıkasynyń Ákimshilik quqyq buzýshylyq týraly Kodeksine sáıkes 13 bıznes sýbektisi ákimshilik jaýapkershilikke tartyldy.
«Departament qyzmetindegi basym baǵyt turaqty negizde júrgiziletin jáne onyń sheńberinde áleýmettik mańyzy bar azyq – túlik taýarlaryna baǵa belgileý týraly máseleler qaralatyn azyq-túlik taýarlaryna baǵa belgileýdiń barlyq tizbekteri boıynsha deldaldyq sqemalardy tergeý jónindegi komısıanyń otyrystaryn úılestirý jáne ótkizý bolyp tabylady», - dedi N. Abdıev.
Ol 2024 jyldyń 5 aıynyń qorytyndysy boıynsha komısıa qyzmetiniń nátıjeleri boıynsha 17 otyrys ótkizilgenin, tıimsiz deldaldar túrindegi buzýshylyqtardyń 202 faktisi, sondaı-aq saýda salasyndaǵy zańnamanyń buzylýy anyqtalǵanyn jáne joıylǵanyn, josyqsyz kásipkerlerge qatysty 186 ákimshilik hattama jasalǵanyn atap ótti.
«Usynylǵan materıaldardyń nátıjeleri boıynsha saýda salasyndaǵy zańnamany buzǵany úshin ákimshilik sharalar qabyldanady, sondaı – aq tutynýshylar úshin ónimniń sońǵy quny tómendetiledi», - dep naqtylady Nýrlan Abdıev.
Budan bólek, buqaralyq aqparat quraldarynda jáne áleýmettik jelilerde tutynýshylardyń quqyqtary men satýshylardyń mindetterin, tutynýshylardyń quqyqtaryn qorǵaý jáne saýda qyzmetin retteý týraly Zańnyń jańadan engizilgen ózgeristerin túsindire otyryp, túsindirý jumystary turaqty negizde júrgiziledi.
«Bul baǵyttaǵy jumys turaqty baqylaýda jáne jalǵastyrylatyn bolady», - dep tolyqtyrdy Nýrlan Abdıev.
Azamattar zańdy quqyqtary buzylǵan jaǵdaıda Maqataev kóshesi, 45 mekenjaıy boıynsha «Femıda» qalalyq tutynýshylardyń quqyqtaryn qorǵaý ortalyǵyna habarlasa alady. Telefondar: +7 702-958-4996, +7 707-308-7474.