Kúdikti óz qylmysyn moıyndady.
Alaıaqtyq qylmysynyń 7 deregine qatysy bar Almaty turǵyny anyqtaldy, dep habarlaıdy Almaty-akshamy.kz Polisia.kz-ke silteme jasap.
Satyp alý, sodan keıin qymbatyraq satý. Aldaýdyń tizbegin "isker" adam ózi ázirlegen.
«Bizdiń bólimshede 35 jastaǵy T. esimdi azamatqa qatysty QR QK-niń 190-baby boıynsha qylmystyq is qozǵaldy. Er adam óziniń tanystaryna elektr eseptegish quraldaryn satyp alýdy, keıin olardy tıimdi baǵaǵa satýdy usynǵany anyqtaldy. Ol áleýetti klıentterdiń qyzyǵýshylyǵyn oıatqannan keıin, olardan aqsha alyp, belgisiz baǵytqa jasyrynǵan. Jedel is-sharalar barysynda kúdikti qolǵa tústi. Ol 7 qylmystyq epızod jasaǵany úshin ustaldy. Kúdikti óz qylmysyn moıyndady. Onyń jeke basy basqa da yqtımal qylmystardy anyqtaý úshin muqıat tekserilip jatyr. Osyǵan oraı, azamattardy ustalǵan adamnyń sýretine muqıat qarap, ony tanyǵan jaǵdaıda, myna telefon nómirlerine habarlasýlaryn suraımyz: 254-47-02; 8-702-160-06-34», – dedi Bostandyq aýdandyq polısıa basqarmasynyń bastyǵy Maqsat Qanapáev.