Ortalyq qalalyq klınıkalyq aýrýhanaǵa aýqymdy, kóptegen maıda súıek synyǵy bar sol jaq jilinshik synyǵymen, jartylaı jaraqattyq bólindi jáne aýqymdy jaraqaty bar, maıda súıek synyqtary bar jilinshik jáne aıaq bólikteriniń terisi nekrozymen 54 jasar naýqas tústi. Bul jaıly OQKA travmatologıa bóliminiń meńgerýshisi Berik Irgalıev aıtyp berdi.
Naýqasty aýrýhanaǵa jetkizgen jedel járdem brıgadasynyń aıtýy boıynsha, bul kisiniń aıaǵyn úlken júk kóligi basyp ketken.
Naýqastyń asa aýyr jaǵdaıyn eskere otyryp, qabyldaý bólimi naýqasty birden OQKA qabyldaý bóliminde ornalasqan jan saqtaý bólimine jatqyzdy.
«Aıaqty ampýtasıalaý máselesi turǵandyqtan dárigerlermen birlesken konsılıým ótti. Dárigerler táýekelge bel býyp naýqastyń aıaǵyn aman alý qalý úshin ota jasaý sheshimin qabyldady»,- dep atap ótti Irgalıev.
Kúrdeli eki saǵattyq syrtqy jaqtan bekitý qurylǵysyn paıdalana otyryp jilik jáne jilinshik súıekterin bekitý ádisimen jasalǵan otany travmatologtar: Jeńis Tajıev jáne Dáýlet Chýkmanov jasady. Ota barysynda súıekter buranda, shege, plasına, ıne, shtıf jáne basqa da quraldar kómegimen qaıta quryldy ári myjylǵan bulshyqetter qalpyna keltirildi.
Dárigerler kásibılik pen zor jumys tájirıbesi, sonymen qatar uqypty jumystyń arqasynda naýqastyń aıaǵyn ampýtasıadan saqtap, aman alyp qaldy.
Ota sátti ótip, naýqas qazirgi tańda aýrýhanadan úıge shyǵarylǵan.
Bundaı jaǵdaı Ortalyq qalalyq klınıkalyq aýrýhanada jıi bolyp turady. Aýrýhana travmatologtary kúndelikti adam densaýlyǵy men ómirin saqtap qalyp jatady.
Olar basqa adamnyń ómiri men onyń sapaly jaqsy ómir súrýine kómektesý úshin aıanbaı eńbek etetin adamdar.