Almaty qalasynda Tótenshe jaǵdaılar mınıstrligi Respýblıkalyq jedel-qutqarý jasaǵynyń qyzmetkeri bos ýaqytynda balany órtten aman alyp qaldy.
2023 jyldyń 28 jeltoqsanynda ROSO TJK qutqarý jasaǵynyń qutqarýshysy Ulan Muhamadıev táýliktik kezekshilikten shyǵyp úıine oralǵanda Shańyraq-2 yqshamaýdandaǵy kórshi úı órtenip jatty, dep habarlaıdy almaty-akshamy.kz.
Alǵashynda úıde eshkim bolma joq degen aqparat alady. Alaıda, kórshiniń balasy júgirip kelip, úıde dosy bar ekenin aıtqan. Órt sóndirýshiler kelgenshe, Ulan men onyń kórshisi lommen aǵash qabyrǵany buzyp, balany aman alyp qalǵan. Tótenshe qyzmetkeri Ulan balaǵa edenge jat dep aıqaılaǵan. Sodan soń áreketke kóship, qabyrǵany buzady. Osylaısha 2010 jyly týǵan bala aman qaldy. Bala jedel medısınalyq járdem qyzmetine tapsyryldy.
Qazirgi ýaqytta onyń densaýlyǵyna qaýip tónip turǵan joq.
Muhamadıev Ulan ROSO-da úsh jylǵa jýyq qutqarýshy bolyp jumys isteıdi, ol ózin erjúrek qutqarýshy retinde kórsete bildi, sý qoımalarynda jáne taýly aımaqtarda ártúrli tótenshe jaǵdaılardyń zardaptaryn joıýǵa birneshe ret qatysty. Úılengen, tórt balasy bar.