Sýretshi Janel Jubanovanyń «Almaly qala» atty jeke kórmesi ashyldy.
Qylqalam sheberiniń ózi Almatyda týyp ósken. Sondyqtan jumysynyń kóbin týǵan qalasyna arnaǵan, dep habarlaıdy Almaty-akshamy.kz.
24.kz habarlaǵandaı, buǵan deıin «Árdaıym janymda bolatyn mereke!», «Mahabbat pen meıirimdilik sheńberi», «Oı tazalyǵy» degen taqyrypta birneshe kórme ótkizgen.
Óziniń aıtýynsha, óner - qýanysh pen úılesimdilikten turady. Osy kórmede «Almaly qala» dep atalǵan eki birdeı ekspozısıa usyndy. Oǵan 30-dan astam kartına qoıyldy. Vernısajdyń taǵy bir ereksheligi - sýretter kestemen bezendirildi.
«Bul jerde bári aralas. Erkin taqyryptaǵy shyǵarmalar da, akademıalyq natúrmort ta bar. Men kóbine qazaqtyń oıý-órnegin qosamyn. Bul elementterdiń barlyǵy meniń ájemniń kesteleri. Sony natúrmortqa qosymsha qoldanyp júrmin. Peızaj janryndaǵy jumystar da barshylyq. Ony kóktemde alma men órik aǵashtary gúldegen shaqta nemese kúzde aınala alýan túske boıalǵan kezde salam. Sonda kartına shynaıy shyǵady», - deıdi sýretshi Janel Jubanova.