Qyzylordada almatylyq qyz asa iri kólemdegi sıntetıkalyq esirtkimen ustaldy.
23 maýsym kúni Qyzylorda oblysy PD Esirtki qylmysyna qarsy is-qımyl basqarmasynyń qyzmetkerleri “Qarasora-2022” jedel profılaktıkalyq is-sharasyn ótkizý barysynda sıntetıkalyq esirtki zattaryn Almaty qalasynan Qyzylorda qalasyna tasymaldaý kezinde Almaty qalasynyń turǵyny ustaldy, dep habarlaıdy Almaty-akshamy.kz Polisia.kz-ke silteme jasap.
Saraptama qorytyndysyna sáıkes, zattaı dáleldeme retinde alynǵan zat jalpy salmaǵy shamamen 6 gram bolatyn mefedron preparaty bolyp shyqty. Atalǵan derek boıynsha Qazaqstan Respýblıkasy Qylmystyq kodeksiniń 297-baby 3-bóligi (Asa iri mólsherdegi esirtki, psıhotroptyq zattarǵa, sol tektesterge qatysty jasalǵan esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergep-tekserý áreketteri bastaldy.
Qazirgi tańda kúdikti 20 jastaǵy azamatsha Qyzylorda qalalyq polısıa basqarmasynyń ýaqytsha ustaý ızolátoryna qamaýǵa alyndy.